Пазарите се тресат додека Волстрит се „живцира“ поради економскиот удар на Трамп

Она што беше постојано повлекување од американската берза нагло забрза во понеделникот бидејќи инвеститорите се повлекоа од речиси секој вид на ризик и економски страв коишто се тркаа на Волстрит. Технолошките акции паднаа најмногу од 2022 година, со што индексот Nasdaq 100 падна за речиси четири проценти. Цените на крипто паднаа. Продажбата на корпоративни обврзници исто така опадна. Мерачот за страв на Волстрит и клучната мерка за кредитниот ризик се зголемија. Раст имаа државните обврзници, стрмно симнувајќи ги приносите, бидејќи ја презедоа улогата како рај односно најсигурен избор за средствата.

Земени заедно, сите тие ја раскажаа истата приказна: зголемена загриженост дека зголемувањата на тарифите на претседателот Доналд Трамп, намалувањата на трошоците и геополитичките промени ќе го запрат она што до неодамна беше економија што им пркоси на противниците со својата сила.

Загриженоста се интензивираше откако Трамп и неговите сурогати почнаа да предупредуваат дека може да има некоја краткорочна болка додека се обидува да го преуреди балансот на светската трговија. Инвеститорите масовно почнаа да се подготвуваат за тоа.

„Денес тргувањето се чинеше како апсолутна смртна спирала“, рече Алон Росин, раководител на институционални деривати на капиталот во „Опенхајмер“ (Oppenheimer & Co).

Движењата ја покажуваат извонредната промена во расположението за помалку од два месеци од претседателствувањето на Трамп, што некогаш беше добредојдено на Волстрит. Првичното обложување беше дека неговите планови за намалување на даноците и дерегулација ќе го поттикнат пазарот напред со истурање стимул врз економијата што веќе цврсто се шири.

Но, тоа беше брзо намалено во последниве недели бидејќи хаотичното ширење на неговите зголемувања на царините и притисокот за намалување на федералните трошоци ја затемнуваат перспективата. Откако пазарите беа затворени во понеделникот, „Делта ер лајнс“ (Delta Air Lines Inc) се чинеше дека ги потврди овие стравови со намалување на очекувањата за профит, наведувајќи ја ерозијата на довербата на потрошувачите и корпорациите поради зголемената неизвесност.

„Ќе дојде период кога мислам дека ќе има паника во дискотеката“, рече Ејми Ву Силверман, стратег за деривати на акции во „РБЦ Капитал Маркетс“ (RBC Capital Markets) за телевизијата Блумберг. „Сè уште не сме стигнале таму. Но, како што се искачуваат овие нивоа, ќе има отпуштања и и уште поголема неизвесност“.

Се разбира, Трамп и неговата администрација почнаа да сигнализираат дека може да има период на приспособување бидејќи тој се обидува да го скроти зголемениот федерален дефицит и го оспорува глобалниот економски поредок.

Коментарите на Трамп за време на викендот поттикнаа секакви теоретизирања на Волстрит, при што некои рекоа дека тој погрешно го проценил пазарното расположение, а други тврдеа дека тој поддржува распродажба на акциите како начин за намалување на каматните стапки.

Трамп денес треба да се сретне со врвни бизнисмени.

„На Трамп му беа потребни неколку недели да го скрши меѓународниот економски режим, веројатно со план да го поправи и замени со нешто ‚подобро‘“, рече Мајкл Розен, главен инвестициски директор на „Анџелес инвестициски советници“. „Недостаток на јасна идеја за тоа што е ‚подобро‘, на инвеститорите им останува само остатоците од скршената глобална економска рамка. Освен ако и додека не видиме што ќе го замени, инвеститорите ќе бидат претпазливи, во најдобар случај“.

Блумберг

Наспроти тоа, трговците ја исчистија прашината од традиционалните прирачници и се свртеа во одбранбените засолништа.

За трговците со обврзници, тоа значеше краткорочни државни обврзници при што двегодишните записи беа водечки на релито во понеделникот, намалувајќи ги нивните приноси за околу 11 базични поени.

На пазарот на корпоративни долгови, како што се зголеми загриженоста за кредитниот ризик, банкарите од Волстрит склучија околу 10 зделки кои беа поставени за компании со висока оценка и индексите покажаа дека инвеститорите се повлекуваат од обврзниците со пониска оцена. Биткоинот се лизна на најниско ниво во последните четири месеци.

Поголемиот дел од продажбата на капиталот беше фокусиран на гигантските технолошки акции кои направија толку многу за да го поттикнат биковскиот пазар. Технолошкиот Nasdaq 100 падна за 3,8 проценти, туркајќи го подлабоко во корекција. „Тесла“ (Tesla Inc.) - што некогаш се сметаше дека има корист од блиските врски на извршниот директор Илон Маск со Трамп - падна за 15 проценти.

Како што масакрот растеше, инвеститорите се засолнија во акции од енергијата, основните производи за потрошувачи и комуналните претпријатија - индустрии помалку подложни на намалувања на потрошувачките трошоци кои имаат тенденција да поминат добро за време на забавување.

„Ако сте долгогодишен инвеститор во капитал, сепак треба да ги ставите вашите пари некаде“, рече Стив Сосник, главен стратег во „Интерактив брокерс“ (Interactive Brokers). „Доколку инвеститорите сфатат дека претстои тешко време, ова се местата каде што инвеститорите имаат тенденција да се кријат. Засолниште од невремето“.

- Со помош на Џес Ментон, Елена Попина и Изабел Ли