Инвеститорите сметаат дека потпирањето на една од најстарите тактики е добар начин да се победи инфлацијата. Се работи за стратегијата каде инвестициите се делат на 60 отсто во акции и 40 отсто во обврзници.
Оваа година оваа тактика се најде на удар затоа што е забелажан најголем пад на обврзниците со децении што придонесе за загуби на берзите. Инвеститорите не се сигурни во тоа дали сгтратегијата ќе се опорави годинава. Но, најновата анкета на MLIV Pluse покажува дека речиси секој втор инвеститор смета дека тоа е добра стратегија за враќање на трошоците во наредната деценија. Во анкетата учествувале 1.056 професионални и индивидуални инвеститори.
Анкетата покажа дека инвеститорите верно ја следат оваа стратегија, иако многумина се плашат од нејзниот крај. Оваа година постои уште поголем страв дека ќе исчезне затоа што одговорот на ФЕД во борбата со инфлацијата ги уништи и акциите и обврзниците. Стратегијата им нанесе загуби на инвеститорите од 10 отсто годинава и тоа може да биде најлош резултат од финасиската криза во 2008 година, покажува индексот на Блумберг.
Bloomberg
Во моментов има поделени мислења меѓу инвеститорите во врска со тоа дали стратегијата ќе успее. Речиси половина изјавиле дека акциите и обврзниците ќе бидат во позитивна корелација во наредните шест месеци. Тоа нема добро да се одрази на стратегијата со оглед на тоа дека таа е заснована на идејата дека загубите на едната, треба да ги надоместат добивките на другата страна, како што беше случај и порано.
„Каматните стапки ќе продолжат да растат затоа што негативно гледам и на акциите и на обврзниците“, изјави Greg Whiteley, портфолио менаџер во комапнијата DoubleLine Capital. „Тоа значи дека, доколку сте загрижени за акциите, обврзниците не се сигурни“.
Иако постои страв дека портфолиото 60:40 ќе се соочи со уште проблеми, половина од инвеститорите велат дека побрзо би се задржале на оваа стратегија во следните шест месеци.
Bloomberg
„Ставот против стратегијата 60:40 нема смисла“, вели Steve Chiavarone, портфолио менаџер во компанијата Federated Hermes. „Секогаш кога гледавме страв кај инвеститорите, приносите на десестгордипните обврзници растеа. Значи, обврзниците и натаму се одбранбени играчи“.
Овие месеци обврзниците се покажаа дека се сигурни. И покрај грижите на инвеститорите дека посторгите финансиски услови ќе доведат до рецесија, референтните вредности на десетгодишните обврзници паднаа на 2,5 отсто на 02 август што е речиси цел поен од врвот кој го достигнаа во јуни. Од тогаш пораснаа за околу 2,85 отсто по зголемувањето на вработеноста и заради загриженоста од инфлацијата која го забавува економскиот раст.
„Хартиите од вредност со фиксни приноси заслужуваат место во портфолиото затоа што навистина даваат приноси“, вели Lisa Hornby, аналитичар. Според неа, САД „влегуваат во фаза на забавен раст која може да им биде погодна на обврзниците. Значи, повторно можеме да видиме дивиерзифициран микс на имотите во портфолијата.
Ако инвеститорите сакаат да изберат некој друг имот наместо обврзници, побрзо би се одлучиле за недвижности отколку за крипто. Само шест отсто би вложувале во крипто. Друготе опции биле готовина, државни записи и дивиденди. Инвеститорите не дале поддршка ни на златото.
Bloomberg
„Недвижностите, приватниот капитал или приватните заеми можат да бидат одличен додаток кон портфолиото и можат да придонесат за диверзификација на приносите“, вели Saira Malik, главна директорка за инвестиции во компанијата Nuveen во интервју за Блумберг ТВ.
.webp){kind=icon}
