Берзански преглед: Акциите растат откако Кина сугерира можни трговски разговори со САД

Глобалниот раст на акциите доби на интензитет откако Кина соопшти дека ја оценува можноста за трговски разговори со САД, зголемувајќи го оптимизмот дека тензиите околу царините ќе се намалат.

Европскиот индекс Stoxx 600 порасна за 0,9 проценти, напредувајќи деветти ден по ред во најдолгата низа победи за речиси една година. Фјучерсите на S&P 500 се искачија, а азиските акции скокнаа за 1,6 проценти откако Кина соопшти дека ја оценува можноста за преговорите  по сигналите од високи американски претставници ека се подготвени за средба.

„Се чини дека можеби достигнавме врв на политичка неизвесност“, рече Кевин Тозе, член на инвестицискиот комитет во Кармињак во Париз. „Во тек се разговори, а Трамп се чини дека  разводнил некои од своите политики. Ако се додаде дека сезоната на објавување на заработки беше прилично позитивна, целокупната позадина не е толку лоша.“

S&P 500 расте осум дена по ред - најдолг период од август - во услови на зголемен оптимизам дека трговските тензии се намалуваат откако претседателот Доналд Трамп објави највисоки давачки за еден век на 2 април.

Релито се соочува со тест бидејќи инвеститорите го насочуваат вниманието кон извештајот за работни места во САД што треба да биде објавен во петок, последниот значаен податок оваа недела, по разочарувачките заработки од „Епл“ (Apple Inc.) и „Амазон“ (Amazon Inc).

Златото беше на пат кон својата прва последователна неделна загуба оваа година, додека 10-годишните државни обврзници беа стабилни. Доларот ослабе.

Bloomberg

 

Соопштението од Кина сигнализираше дека застојот меѓу двете најголеми економии во светот може да се промени, откако Трамп ги зголеми американските тарифи, а Пекинг возврати со иста мера. Трамп постојано повторуваше дека претседателот Шји Џјинпинг треба да го контактира за да започне разговори. Претходно оваа недела, секретарот за финансии Скот Бесент рече дека од Пекинг зависи првиот чекор за деескалација на спорот.

Изразувајќи отвореност за разговори, Министерството за трговија на Кина ја формулираше својата изјава како конзистентна со претходната позиција на Пекинг. Како услов за преговори, Кина побара од САД да ја покажат својата искреност и да бидат подготвени да ги исправат своите „погрешни практики“ со укинување на едностраните тарифи.

„Ова е одличен потег, без разлика која страна ќе ја преземе иницијативата“, рече Стивен Леунг, извршен директор на „УОБ Кеј Хиан Хонг Конг“ (UOB Kay Hian Hong Kong Ltd). „Треба да има рунда краткорочно покривање на финансискиот пазар, бидејќи сега се зголемуваат надежите за решение за сегашниот застој.“

Во меѓувреме, Трамп бара од Конгресот длабоки намалувања на средствата за домашните агенции и зајакнување на војската во прелиминарниот преглед на неговото барање за буџетот за 2026 година што ќе биде објавено во петок.

Претходно, акциите на „Епл“ паднаа за 1,6 проценти откако продажбата во Кина се намали повеќе од очекуваното во последниот квартал, засенувајќи ги инаку солидните резултати. Во меѓувреме, „Амазон“даде прогноза за оперативниот приход што ги надмина очекувањата кога пазарите се затворија, туркајќи ги акциите надолу. „Амазон“ падна за 3,5 проценти во доцното тргување.

Подолу некои од главните движења на пазарите:

Акции

Индексот Stoxx Europe 600 порасна за 0,9 проценти до 8:16 часот наутро по лондонско време

Фјучерсите на S&P 500 пораснаа за 0,6 проценти

Фјучерсите на Nasdaq 100 пораснаа за 0,3 проценти

Фјучерсите на Dow Jones Industrial Average пораснаа за 0,8 проценти

Индексот MSCI Asia Pacific порасна за 1,6 проценти

Индексот MSCI Emerging Markets порасна за 1,9 проценти

Валути

Bloomberg Dollar Spot Index падна за 0,4 проценти

Еврото порасна за 0,3 проценти на 1,1325 долари

Јапонскиот јен порасна за 0,2 проценти на 145,12 за долар

Офшор јуанот порасна за 0,5 проценти на 7,2438 за долар

Британската фунта порасна за 0,3 проценти на 1,3314 долари

Криптовалути

Биткоинот порасна за 0,1 процент на 96.601,29 долари

Етерот падна за 0,9 проценти на 1.823,7 долари

Обврзници

Приносот на 10-годишните државни обврзници на САД малку се промени на 4,22 проценти

Приносот на 10-годишните германски обврзници се зголеми за три базични поени на 2,47 проценти

Приносот на 10-годишните британски обврзници се намали за три базични поени на 4,45 проценти

Стоки

Суровата нафта „Брент“ се зголеми за 0,1 проценти на 62,21 долари за барел

Спот-златото се зголеми за 0,4 проценти на 3.252,68 долари за унца

 

Оваа сторија е изработена со помош на „Блумберг Аутомејшн“ (Bloomberg Automation).

— Со помош од Вини Хсу и Ананд Кришнамурти

 

Во моментов нема коментари за веста. Биди прв да коментира...

Остави коментар