Шарено расположение меѓу берзанските инвеститори

Иднината на американскиот капитал поради заосктрувањето на  монетарната политика и енергетската криза во Европа и натаму претставуваат мака за инвеститорите на берзит.

И двата индекси S&P 500 и Nasdaq 100 пораснаа за помалку од 0,5 отсто, додека европските фјучерси се повлекуваат. Тргувањето на Вол Стрит ќе продолжи подоцна, по празникот Денот на трудот. Азиските берзи се со мешани резултати, растејќи во Кина, но паѓајќи во Хонг Конг.

 

 

Обврзниците се намалуваат со своите приноси, предводени од временски пократките, со што двегодишниот принос изнесува 3,46 отсто.

Пазарот со нафта има други маки, намалувањето на испораките на ОПЕК+ за октомври и ризиците од намалување на побарувачката од Кина поради новите рестрикции во движењето заради заштита и спречување на ширењето на Ковид. WTI индексот порасна за 2 отсто и барел нафта се продава по цена од 88,64 долари.

Доларот се движи во некое рекордно високо ниво, а фунтата се врати, бидејќи трговците ја оценуваат агендата на новиот премиер на Велика Британија, Лиз Трус, која планира да ги ублажи сметките за енергија, политика која што може да чини 130 милијарди фунти во текот на следните 18 месеци.

Австралија го испорача своето четврто покачување на каматната стапка од 50 базични поени и потврди дека не е на однапред јасно одреден пат во врска со притисокот за сузбивање на инфлацијата. Трошоците за позајмување се зголемуваат во многу економии, зајакнувајќи ги финансиските услови на глобално ниво и тежината на акциите и обврзниците.

Јуанот варираше по најавата на Кина за намалување на висината на девизните депозити, што банките мора да ги одвојат како резерви. Властите во Кина, исто така, планираат да го забрзаат стимулот, зајакнувајќи ја поддршката за економијата која што носи голем товар со рестрикциите од Ковид, падот на секторот за недвижнини и недостиг на електрична енергија.

 

 

 

Биткоинот повторно падна под нивото од 20.000 долари, додека златото порасна за 0,4 отсто и сега вредноста му е 1.717,15 долари за унца.