.webp){kind=icon}
Соочен со крипто-кризата што тој помогна да се разгори, поранешниот извршен директор на ФТХ (FTX.com), Сем Банкмен-Фрид на „Твитер“ објави за деновите на колапсот.
Во средата, тој додаде уште 18 твитови на низата објави што започнаа на почетокот од неделата. Твитовите, објавени во спорадични интервали, комбинираат извинување за неговите неуспеси и го презентираат неговото толкување за тоа што тргнало наопаку во компаниите што ги основаше и водеше. Тие се надоврзуваат на претходната серија криптични објави кои завршија со испраќање на пораката „Што СЕ СЛУЧИ“ (What HAPPENED), проследена со навестување дека ќе има некакво откритие.
Тој посочи дека ќе даде сè од себе за да им заштеди пари на инвеститорите, наведувајќи ставови за тоа колку е тешко да се регулира крипто-сферата, а се пофали и дека бил на насловните страници на секое списание пред метеорскиот пад на FTX. „Станавме премногу самоуверени и невнимателни“, посочи Банкмен-Фрид.
Прочитај повеќе
Сем Бенкмен-Фрид објави чудна серија твитови
Бизарната објава предизвика жестока дебата, но и доста гнев
15.11.2022
Открива ли пропаста на FTX нови Понзи-шеми во крипто-светот?
Сем Бенкмен-Фрид неодамна го опиша бизнисот како „кутија“ која има вредност само затоа што другите луѓе ставаат пари во неа
15.11.2022
Сем Бенкмен-Фрид од FTX бил на распит во полиција
Освен полицијата, Бенкмен - Фрид бил испрашуван и од регулаторите на Бахамите
13.11.2022
Мистериозен одлив на 662 милиони долари од пропаднатата FTX
Одливот се случил во последните 24 часа
12.11.2022
Големите инвеститори ја изгубија довербата во криптото
Многу професионални менаџери велат дека можноста криптото да биде диверзификатор на портфолиото е загрозена
13.11.2022
Не е јасно дали твитовите од Банкмен-Фрид, кој е под со лупа на сите, од Министерството за правда на САД до регулаторите на Бахамите, ќе помогнат или ќе ја попречат неговата правна одбрана.
Тој ги заврши своите најнови твитови со мислата: „Она што е важно е она што го работите - *всушност* да го работите добро или лошо, а не само да *зборувате* дека работите добро или *да го користите ESG јазикот*. Во секој случај - ништо од тоа сега не е важно. Она што е важно е да работам најдобро што можам. И правам сè што можам за клиентите на FTX“.
Но, тој не објасни точно како има намера да им помогне на корисниците на неуспешната крипто-берза со седиште на Бахамите, со оглед на тоа што повеќе не е извршен директор.
Реакцијата на објавите беше брза, а новото раководство на FTX молскавично се огради од нив. Компанијата објави изјава која му се припишува на поранешниот ликвидатор на Enron и нов извршен директор на FTX, Џон Џ. Реј, во која се вели: „Господин Банкмен-Фрид нема никаква улога во FTX, FTX US или Alameda Research Ltd. и не зборува во нивно име“.
Другите на „Твитер“ беа поостри. „Ќе имате доволно време да го средите ова во затвор“, одговори еден корисник, додека други упатија поконкретни обвинувања: „Бевте невнимателни со средствата на клиентите“, пишуваа тие. „Некои изгубија сè. Не треба да имаат симпатии кон тебе, имаш 30 години. Местото ти е во затвор“.
Банкмен-Фрид не бил веднаш достапен за коментар.
