.webp){kind=icon}
Биткоинот го обнови својот раст кон границата од 30.000 долари со зголемување на апетитите за ризик на глобалните пазари и загриженоста за последиците од правните проблеми на „Бајненс“ (Binance).
Најголемата криптовалута по пазарна вредност порасна втор ден, добивајќи дури 4,9 проценти и искачувајќи се денеска до 28.638 долари. На ниво од нешто под 29.000 долари биткоинот се искачи на 22 март, што е највисоко ценовно ниво од јуни.
Зајакнаа и другите токени, при што XRP скокна за околу 4,4 проценти, кардано (Cardano) се зголеми за седум отсто, а полигон (Polygon) порасна за три проценти. Етерот порасна за помалку од два отсто.
„Ова е мал момент за криптоуниверзумот“, рече Питер ван Доијеверт од „Мен солушнс“ (Man Solutions).
Биткоинот достигна десетдневен минимум откако во понеделникот „Бајненс“ (Binance Holdings Ltd), најголемата светска криптоберза, беше тужена од страна на американската Комисија за тргување со фјучерси на стоки за наводно прекршување на правилата за тргување. Од „Бајненс“ рекоа дека не се согласуваат со карактеризирањето на многу од прашањата наведени во жалбата.
Bloomberg Mercury
Мерката што ја користат техничките аналитичари сугерира дека зголемувањето на цената може да продолжи. Индексот на релативна сила за биткоинот денеска го премина клучниот праг, сигнализирајќи го потенцијалот за поголем раст на цената на криптовалутата од 66 отсто во 2023 година.
