Чејнлинкот скокна над осум долари, дали ќе го падне биткоинот

Чејнлинк (Chanlink), криптовалутата што е рангирана на седумнаесетто место во светот по пазарната капитализација, која во моментов е 4,5 милијарди долари, сè повеќе го привлекува интересот на помалите трговци и на институционалните инвеститори поради своите позитивни резултати.

Во последниот месец цената на чејнлинкот оствари сериозен раст. Имено, во септември оваа криптовалута вредеше 5,85 долари, а сега е 8,18 долари, што е раст за 37,35 отсто.

Coinmarketcap

Што се однесува на дневното ниво на тргување, само на 1 октомври е остварен пораст од 4,76 отсто, а прометот на тргување со токенот е зголемен за 19,3 отсто на дневно ниво.

Од почетокот на февруари сè повеќе адреси чуваат токени на чејнлинк на долг рок, кои моментално изнесуваат 69,81 отсто, додека само 3,48 отсто се адреси што им припаѓаат на професионални трговци.

Coinmarketcap

 

Она што го прави чејнлинк уникатен е неговата позиција како една од првите мрежи што овозможуваат интеграција на податоци надвор од синџирот на паметни договори. Со многу доверливи партнери, чејнлинкот е еден од главните играчи во областа на обработката на податоците.

Како што почна цената на чејнлинкот да привлекува внимание, така аналитичарите ги фокусираа своите анализи и коментари околу оваа криптовалута. Познатиот аналитичар docXBT го истакна несовпаѓањето помеѓу цената на чејнлинкот и биткоинот во објава на 28 септември оваа година. Во својата објава на социјалната мрежа X, криптоаналитичарот нагласи дека во последните петнаесет месеци, секогаш кога цената на чејнлинкот одела над осум долари, цената на биткоинот паѓала во просек за 22 процента.

 

 

Според овие претпоставки, се чини дека од почетокот на оваа година, цената на чејнлинкот, која шест пати ја премина границата од осум долари, предизвика продажба на биткоините. Дали ќе се повтори истата ситуација, со оглед на тоа што чејнлинкот моментално е над осум американски долари, ќе видиме во текот на октомври.

Покрај зголемувањето на цената на токенот, чејнлинкот го затвори септември со одлични резултати за својот блокчејн. Еден од најважните моменти е експериментот со плаќањата SWIFT, кој го овозможи чејнлинкот и помогна да се покаже колку може да биде разновиден дури и во системи што не се блокчејн. Во текот на изминатите неколку месеци чејнлинкот го интегрираше „Арбитрум“ (Arbitrum-ARB), кој стана главен производ меѓу криптокитовите, а сето тоа помогна да се зацврсти неговиот потенцијал за раст.