.webp){kind=icon}
Предупредување до сите биткоин фанатици: Волстрит очекува многу лош пад на вредноста на криптовалутата.
Поверојатно е токенот да падне на 10.000 долари, намалувајќи ја неговата вредност приближно за половина, отколку да се врати на 30.000 долари, според 60 отсто од 950 инвеститори кои одговориле на последното истражување на MLIV Pulse. Четириесет проценти гледаат на работите на поинаков начин. Валутата беше на околу 21.850 долари доцна во петокот попладне, завршувајќи ја неделата над 12 отсто.
Bloomberg
Крипто индустријата беше потресена од проблематични заемодавци, пропаднати валути и крај на пандемиските политики за лесни пари што поттикна шпекулативна мешаница на финансиските пазари.
Околу два трилиона долари исчезнаа од пазарната вредност на криптовалутите од крајот на минатата година, според податоците собрани од CoinGecko.
Малопродажните инвеститори се позагрижени за криптовалутите отколку нивните институционални колеги, при што речиси една четвртина ја прогласија класата на средства за ѓубре. Професионалните инвеститори се поотворени кон дигиталните средства.
Но, генерално, овој сектор останува поларизирачки: додека околу 28 отсто од вкупните испитаници изразиле силна доверба дека криптовалутите се иднината на финансиите, 20 отсто рекле дека ги смеатаат за безвредни.
Bloomberg
Биткоинот веќе изгуби повеќе од две третини од својата вредност откако достигна речиси 69.000 долари во ноември и не се тргуваше под 10.000 долари од септември 2020 година.
„Многу е лесно да се плашиш во моментот, не само во крипто сферата, туку генерално во светот“, вели Џаред Мадфес, партнер во Tribe Capital, фирма за капитал. Тој смета дека очекувањата за понатамошен пад на биткоинот го одразуваат вродениот страв на луѓето на пазарот.
Падот на криптото, најверојатно, ќе изврши дополнителни притисоци врз владите да ги засилат регулативите во индустријата. Ваквиот надзор се смета за позитивен од страна на мнозинството испитаници, бидејќи може да ја подобри довербата и да доведе до пошироко прифаќање меѓу институционалните и инвеститорите на мало.
Владината интервенција, исто така, веројатно ќе биде добредојдена од потрошувачите изгорени од колапсот на таканаречениот „стејблкоин“ TerraUSD и проблематичните посредници како Celsius Network и брокерот Voyager Digital Ltd.
Централните банки исто така размислуваат да развијат свои дигитални валути за употреба во дигитални плаќања.
Но, ниту неодамнешните падови на цените, ниту потенцијалниот предизвик од централните банки, не се очекува значително да ја нарушат индустријата со симнување од тронот на двата доминантни токена, биткоин и етер. Мнозинството од испитаниците очекуваат дека еден од тие два ќе остане движечка сила во следните пет години, иако значителен дел од нив ја нагласуваат можноста дека дигиталните валути на централните банки ќе ја преземат клучната улога.
Има поширок консензус за еден агол на пазарот: незаменливите токени (NFT). NFT станаа познати како атракции вредни милиони долари за слики од мајмуни за време на екот на крипто-бумот. Но, огромно мнозинство од анкетираните ги сметаат само за уметнички проекти или статусни симболи, а само 9 отсто на нив гледаат како можност за инвестирање.
Згора на тоа, оние што го бараат следниот балон на цени на средствата можеби ќе биде добро да погледнат на друго место, бидејќи шпекулативната манија ретко ја погодува истата класа на средства двапати. На крајот, повеќето испитаници очекуваат следниот голем настап да биде целосно неповрзан со криптовалутите, при што NFT, следната генерација на интернет позната како web3 и други случувања во блокчејнот се смета дека имаат мали шанси да го предизвикаат следното „лудило“.
„Следниот финансиски балон е секогаш нешто различно од последниот балон, така што мнозинството е апсолутно во право за ова прашање“, вели Мет Мејли, главен пазарен стратег во Miller Tabak + Co.
