.webp){kind=icon}
Мајк Новограц, кој важи за голем застапник на криптовалутите се откажа од своето предвидување дека биткоинот ќе се искачи на 500.000 долари за пет години, наведувајќи го како причина зголемувањето на каматните стапки од страна на ФЕД.
„Тоа ќе се случи, но не за пет години“, рече Новограц во четвртокот во интервју за телевизијата Bloomberg. Најголемата промена што се случила е тоа што претседателот на ФЕД, Џером Пауел ја пронашол, како што вели Новограц, „својата централно-банкарска супермоќ“.
Прочитајте повеќе: Ако се повтори историјата, би требало да очекуваме нов пад на биткоинот
Како и повеќето ризични средства, биткоинот годинава падна бидејќи ФЕД ги зголемува стапките со цел да ја спречи инфлацијата, рече Новограц, извршен директор на Galaxy Digital.
Bloomberg TV
Биткоинот падна за повеќе од 60 отсто оваа година, при што вредноста се спушти на околу 17.000 долари. Најголемата вредност токенот ја достигна во ноември 2021 година, кога еден биткоин „тежеше“ и над 65.000 долари. Последиците од банкротот на берзата FTX минатиот месец помогнаа да се забрзаат загубите на пазарот за криптовалути.
Прочитајте повеќе: Новиот шеф на FTX го откри хаосот што зад себе го оставил Банкмен-Фрид
Пропоста на FTX, заедно со колапсот на хеџ-фондот Three Arrows Capital и заемодавците Celsius Network и BlockFi „секако ѝ наштетуваат на целокупната доверба во крипто, но и тоа ќе помине“, смета Новограц.
Прочитајте повеќе: И покрај падот, довербата во крипто не е драстично разнишана
Galaxy Digital очекува потенцијално стекнување на евтини крипто средства преку „некои мали аквизиции“, нагласи тој. Galaxy, исто така, ги намали своите салда на криптоберзите како мерка на претпазливост и почна внимателно да ги разгледува резервите на берзите, рече Новограц, откако некои од средства му биле заробени на берзата FTX.
