Биткоинот поскапе за повеќе од шест отсто во првите три дена од јануари, додека светските пазари забележаа лош почеток на годината.
Највредниот дигитален токен се тргуваше над 45.000 долари во 14:00 часот во средата во Сингапур, поттикнат од очекувањата дека САД наскоро ќе ги дозволат првите спот биткоин фондови со кои се тргува на берза (анг. exchange-traded fund / ETF). Општиот оптимизам во криптосферата, исто така го поттикна напредокот на помалите токени како што се солана и аваланч.
Наспроти тоа, американските фјучерси се бореа по падот на акциите во вторникот (првиот трговски ден од 2024 година) на традиционалните пазари. Индексот на доларот го задржа својот раст, што е дополнителен знак за претпазливост на инвеститорите.
Прочитај повеќе
Ќе го пробие ли биткоинот плафонот во 2024-та?
Доколку се тргне од тоа како стојат работите на крајот од годината, може да се заклучи дека оваа класа на средства жилаво им одолева на предизвиците.
29.12.2023
Што е преполовување на биткоинот и дали овој феномен ја зголемува цената?
Биткоинот е познат по тоа дека е склон кон ненадејни скокови на цените и брзи промени кои можат да збришат милиони долари во вредност за само неколку минути.
17.12.2023
Биткоинот цели кон 50.000 долари во јануари
Биткоинот порасна за повеќе од 60 проценти од средината на октомври.
07.12.2023
Сè што треба да знаете за биткоинот откако вредноста надмина 40.000 долари
Биткоинот годинава порасна за повеќе од 140 проценти, надминувајќи ги другите инвестиции, како акции и злато.
04.12.2023
Аналитичарот на „Блумберг интелиџенс“, Џејмс Сејфарт, е меѓу оние кои очекуваат американската Комисија за хартии од вредност (SEC) да одобри серија на ЕТФ фондови до 10 јануари. Токенот поскапе за 172 отсто во изминатите 12 месеци, поттикнат од облозите дека таквите финансиски производи ќе помогнат да се зголеми побарувачката за биткоин.
Сега се поставува прашањето дали зеленото светло ќе доведе до шпекулативни активности, со оглед на тоа што останува неизвесно дали ЕТФ фондовите ќе успеат да го направат биткоинот мејнстрим средство.
Биткоинот постигна добивка од 1.000 проценти за пет години
Bloomberg
„Не очекуваме мега приливи во ЕТФ во истиот момент. Затоа, она што се случува сега би можело да се категоризира како 'продажба на вести'“, напишаа во белешка аналитичарите на „К33 рисрч“ (K33 Research), Андерс Хелсет и Ветле Лунде. Но, тие додаваат дека новите производи најавуваат долгорочна структурна промена во интересот на клиентите.
К33 процени дека сè уште има пет проценти шанси SEC да ги отфрли напорите за лансирање на ЕТФ кои директно инвестираат во биткоин. Тие веруваат дека има 75 отсто шанси одобрувањето на фондовите да е т.н. „продажба на вести“, а 20 отсто шанси цените на биткоинот дополнително да се зголемат поради приливот на ЕТФ.
Дигиталните средства, исто така, имаа корист од облозите дека Федералните резерви (Фед) ќе ги намали каматните стапки во 2024 година. Новогодишната слабост на акциите делумно ја одразува проценката на тие проекции. Цените на крипто може да флуктуираат ако инвеститорите продолжат да ги ублажуваат очекувањата за полабава монетарна политика.
Зголемените трошоци за обложување за покачување на цените на биткоинот на пазарот на фјучерси се показател за „шпекулативниот вишок“ што се појавува за време на залетот на токенот, напиша во белешка Шон Фарел, шеф на стратегијата за дигитални средства во „Фондстарт глобал“ (Fundstrat Global Advisors LLC).
„Трошоците за финансирање на овие нивоа имаат тенденција да ѝ претходат на нестабилноста, а насоката на таа нестабилност ќе зависи од краткорочните текови“, посочи тој.
.webp){kind=icon}
