text size
Етерот, втората по големина криптовалута, излезе како еден од најголемите добитници од одлуката на американските регулатори да ги одобрат првите биткоин фондови со кои се тргува преку берза (ЕТФ) во земјата.
Етерот се зголеми за 9 отсто во изминатите 24 часа, на 2.585 долари, заклучно со 7.11 часот во четвртокот во Лондон - највисоко ниво во последните 20 месеци - додека биткоинот имаше помала промена, на 46.070 долари, по скокот од повеќе од 160 отсто во текот на изминатата година.
Ваквите флуктуации навестуваат дека трговците се обложуваат оти фондовите што инвестираат директно во етер се следни на ред за да добијат зелено светло од Комисијата за хартии од вредност на САД (SEC) и дека токенот допрва ќе ја одразува таа перспектива.
Прочитај повеќе
„Блекрок“ меѓу гигантите кои добија одобрение за биткоин ЕТФ фондови
Американските регулатори за првпат одобрија фондови со кои се тргува преку берза, а кои инвестираат директно во биткоин.
11.01.2024
Одобрени се биткоин ЕТФ фондови, пресвртница за криптосредствата
Потег што беше најавен како значаен настан за секторот на дигитални средства вреден околу 1,7 трилион долари.
11.01.2024
Криптосекторот „пука“ од оптимизам поради очекувањата за регулација и ЕТФ
Оптимистите тврдат дека биткоинот ќе ја собори досегашната најголема вредност.
11.01.2024
Спротивно на тоа, биткоинот веќе беше опкружен со повеќемесечен наплив на оптимизам дека одобрувањето за ЕТФ е на пат. Тоа доведе до шпекулации дека растот засега можеби е блиску до исцрпување.
„Со големината на етерот, ликвидноста и тековните фјучерси на ЦМЕ (CME), тој ги има атрибутите користејќи го сега успешниот модел на биткоинот“, рече Ричард Галвин, соосновач на менаџерот за криптосредства ДАЦАМ (DACM) со седиште во Сиднеј.
На почетокот од годината етерот покажува подобри перформанси од биткоинот
Bloomberg
Етер е токенот на етериум (Ethereum), комерцијално најважниот блокчејн во криптосекторот. Инвеститорите можат да добијат награди со ветување токени на етер за да помогнат во функционирањето на блокчејнот, процес наречен „стејкинг“ (staking).
Возбудата околу биткоин ЕТФ фондовите придонесе етерот да има послаби перформанси од својот поголем ривал во 2023 година. На почетокот на неделава, цената на етерот во однос на биткоинот беше најниска од 2021 година.
Лоренс Смит, висок стратег во „Консенсис“ (Consensys), во белешка напиша дека зеленото светло на SEC за средствата со биткоин „веројатно е само првото одобрување на ЕТФ за дигитални средства - очекуваме следни да бидат етер ЕТФ“.
SEC во средата одобри биткоин ЕТФ фондовите од гиганти за управување со средства како „Блекрок“ (BlackRock), „Инвеско“ (Invesco) и „Фиделити“ (Fidelity), но и од помалите конкуренти, како што е „Валкири“ (Valkyrie), да започнат со тргување в четврток.
„Блекрок“, „Ванек“ (VanEck), „Инвеско“ и „21 шерс“ (21Shares) се меѓу оние што бараат да започнат спот етер ЕТФ.
.webp){kind=icon}
