.webp){kind=icon}
Групацијата УБС (UBS Group AG) ќе продолжи со откуп на акции оваа година, ветувајќи дека ќе им исплати дури милијарда долари на акционерите во втората половина, додека се обидува да ја надмине интеграцијата на „Кредит Суис“ (Credit Suisse).
Банката со седиште во Цирих соопшти дека откупот на акциите ќе започне по правното спојување на двата ентитета и се планира нивоата од пред преземањето да се надминат до 2026 година, се вели во соопштението. Банката ја потврди својата цел за профитабилност за тој временски период и го зголеми износот на планираните заштеди на 13 милијарди долари, од околу 10 милијарди долари претходно.
Швајцарската банка ја замрзна својата програма за откуп од 5 милијарди долари кога го објави преземањето на локалниот ривал поддржано од владата минатата година. Иако договорот помага да се забрзаат амбициите на УБС да доминира во управувањето со глобалното богатство, извршните директори предупредија дека процесот на спојување на двете банки годинава влегува во најтешката фаза.
УБС забележа нето загуба од 279 милиони долари за трите месеци до декември, нешто повеќе од проценките на аналитичарите. Клучниот оддел за управување со богатство забележа добивка пред оданочување од 381 милион долари, под проценките на аналитичарите за 1,07 милијарди долари.
„Клиентите ни доверија нови нето средства од 77 милијарди долари по аквизицијата“, изјави главниот извршен директор Серџо Ермоти. „Ќе се фокусираме на реструктуирање и оптимизирање на комбинираните бизниси“.
Инвестициската банка на УБС забележа загуба пред оданочување од 169 милиони долари во третиот квартал, со повисоки основни приходи поттикнати од глобалниот банкарски оддел. УБС претходно сигнализираше дека ќе затвори приближно две третини од инвестициската банка на „Кредит Суис“ додека го интегира својот поранешен ривал, вклучувајќи ги речиси сите негови трговски операции како дел од плановите за напуштање на единиците кои не се вклопуваат со тековната стратегија.
Интеграцијата доаѓа со низа потенцијални тешкотии од кратења на работни места до управување со правните обврски наследени од „Кредит Суис“. „Сивијан капитал“ (Cevian Capital AB) објави дека оствоарил удел од околу 1,3 отсто во декември и соопшти дека банката би можела да постигне поврат од повеќе од 20 отсто на материјалниот капитал откако ќе заврши интеграцијата.
УБС веќе е неприкосновен топ менаџер на богатство во многу делови од светот. Сепак, за предизвик за колегите од Волстрит и одржлив поттик на нејзиното вреднување, ќе треба раст во САД, најголемиот пазар за услуги за управување со богатството. Ермоти сигнализираше дека САД ќе бидат главната штица за стратегијата за раст.
