УБС (UBS Group AG) може да забележи пад од 150 милијарди долари во активата на свои клиенти за управување со богатството по купувањето на „Кредит Суис“ (Credit Suisse Group AG), проценуваат аналитичарите во „ЏП Морган“ (JPMorgan Chase & Co).
Падот ќе дојде како резултат на одливите на клиентите, преклопувањето меѓу двете банки и тековните штедења на трошоци, напишаа во белешка од четвртокот банкарските аналитичари Кијан Абухосеин и Амит Ранџан.
Аналитичарите велат дека процесот на интеграција може да доведе до нестабилност на цените на акциите поради фактори како реструктурирање, намалување на вредноста и судски спорови.
Прочитај повеќе
УБС го заврши преземањето на „Кредит Суис“ и создаде банкарски титан
Со преземањето на „Кредит Суис“ завршува 167-годишното независно постоење на овој заемодавец.
12.06.2023
Истакнати банкари и натаму ја напуштаат „Кредит Суис“
Налетот на заминувања од „Кредит Суис“ оваа недела се чини дека продолжува со несмален интензитет.
10.06.2023
УБС го реорганизира раководството по преземањето на „Кредит Суис“
УБС ќе го смени својот главен финансиски директор како дел од пошироката реорганизација на својот менаџерски тим.
09.05.2023
УБС го склучи договорот за купување на „Кредит Суис“ претходно овој месец, откако беше договорено вонредното преземање со посредство на владата во март. Оттаму сигнализираа дека имаат намера значително да ја намалат инвестициската банка „Кредит Суис“, а спојувањето најверојатно ќе подразбира и илјадници загубени работни места.
Преземањето на „Кредит Суис“ останува огромна предност за одделот за управување со богатство на УБС.
„УБС, според нашите прогнози, ќе биде моќна компанија за управување со богатството, која ќе генерира 60 отсто од профитот на групацијата во работењето“, велат аналитичарите.
УБС треба да ги објави резултатите од вториот квартал на 31 август.
Аквизицијата на „Кредит Суис“ ги зголеми средствата на клиентите на УБС на околу 5 билиони долари, од 3,9 билиони долари. Работите ги води Икбал Кан, поранешен банкар за одделот за богатство во „Кредит Суис“.
.webp){kind=icon}
