„УБС груп АГ“ (UBS Group AG) го финализира договорот за преземање на поранешниот ривал „Кредит Суис груп АГ“ (Credit Suisse Group AG), создавајќи го најголемото спојување во банкарскиот сектор од финансиската криза во 2008 година, но и глобален титан што ќе управува со богатството на клиентите.
Швајцарската банка го објави затворањето на договорот во отворено писмо до локалните и меѓународните весници во понеделникот. Со преземањето на „Кредит Суис“ завршува 167-годишното независно постоење на овој заемодавец.
Објавата следува по повеќе од два месеца во кои вработените беа во неиздржлива неизвесност, секако откако УБС ги заврши преговорите со швајцарската влада за гаранција од девет милијарди швајцарски франци (10 милијарди долари) за потенцијални загуби на средствата на „Кредит Суис“. Договорот ѝ дава основа на УБС за неочекувани добивки од десетици милијарди долари и почеток на период на сложена интеграција што најверојатно ќе вклучи отпуштање на илјадници работници.
Прочитај повеќе
Истакнати банкари и натаму ја напуштаат „Кредит Суис“
Налетот на заминувања од „Кредит Суис“ оваа недела се чини дека продолжува со несмален интензитет.
10.06.2023
УБС и Швајцарија се договорија за гаранција од 10 милијарди долари
УБС постигна договор со швајцарската влада за покривање на загуби од девет милијарди швајцарски франци (9,9 милијарди долари).
09.06.2023
УБС комплетно ќе ја преземе „Кредит Суис“ до 12 јуни
По завршувањето, акциите на „Кредит Суис“ ќе бидат отстранети од швајцарската берза SIX на 13 јуни и од Њујоршката берза на 12 јуни.
05.06.2023
„Кредит Суис“ не ги исполнува критериумите за котирање на Њујоршката берза
Акциите на котираните компании треба да имаат просечна цена на затворање од најмалку еден долар во период на тргување од 30 дена
31.05.2023
„Кредит Суис“ загуби случај против грузиски тајкун во Сингапур
Судот во Сингапур нареди единицата на „Кредит Суис“ да му плати на грузискиот милијардер Биѕина Иванишвили стотици милиони долари отштетa.
26.05.2023
УБС се согласи да го преземе „Кредит Суис“ во март во итна продажба со посредство на владата, откако кризата на доверба и бранот одливи на клиенти доведоа до банкрот на банката. На чело на споената банка, извршниот директор на УБС, Серџо Ермоти, сега се соочува со задача да спои две компании што се преклопуваат и да одлучи кои активности ќе ги одвои.
Во петокот беше потпишан договор во кој владата се согласи да ги покрие загубите на одредено портфолио на средства на „Кредит Суис“, што одговара на околу 3 отсто од комбинираните средства на обединетите банки, откако првичните пет милијарди швајцарски франци отпаднаа на товар на банката. Додека Ермоти рече дека е „исклучително малку веројатно“ дека гаранцијата ќе биде потребна, обезбедувањето државна поддршка ѝ помага на УБС да ја задржи пазарната доверба додека е подложена на транзиција.
.webp){kind=icon}
Во моментов нема коментари за веста. Биди прв да коментира...