.webp){kind=icon}
Сè помалку инвеститори се расположени за т.н. „carry“ тргување, а причината е зголемувањето на нестабилноста поради промената на наративот на Федералните резерви (Фед) на САД, соопшти „ЏП Морган“ (JPMorgan Chase & Co).
Фондовите со „carry trade“ инструменти (кои вклучуваат задолжување во валути со ниски камати со цел да се соберат средства за инвестирање во валути со висока камата) забележаа значителни загуби во изминатиот месец, напишаа аналитичарите на фирмата, вклучително и Мера Чандан. Тие посочија дека валутите на земјите членки на Групата 10 се поотпорни во овие тргувања.
„Заклучокот е дека се трупаат фактори кои не одат во прилог на светските 'carry' позиции“, пишуваат аналитичарите. Загубите може да се зголемат со забавување на инфлацијата во САД, што би било придружено со малку помек став на Фед во иднина“, додаваат тие.
Инвеститорите бараат инвестиции со висок принос уште откако нестабилноста се зголеми по изборите од Мексико до Индија. Враќањето на индексот на „carry“ трговија што ги вклучува мексиканскиот пезос и јапонскиот јен го забележа најголемиот неделен пад од почетокот на пандемијата, откако Клаудија Шеинбаум победи на изборите во Мексико.
„Апетитот за 'carry' тргување е загрозен на долг рок, дури и за валутите на Г10, доколку се зголеми бројот на очекуваните намалувања на каматните стапки на Фед за оваа и почетокот на следната година“, велат аналитичарите.
„Сепак, не исклучуваме добивки на краток рок ако се спушти прашината на пазарите во развој, како и во случај американските податоци да покажат ненадејно забрзување на инфлацијата“, додаваат тие.
