Поскапуваат горивата

Регулаторната комисија за енергетика донесе oдлука зa зголемување на малопродажните цени на нафтените деривати во просек за 1,47 отсто во однос на сегашните цени.

Од ноќеска на полноќ малопродажната цена на еуродизел се зголемува за 2,50 денари за литар, а цените на бензините Еуросупер 95 и  98 се зголемуваат за 1,00 денар. Цената на еуросупер 95 ќе изнесува 85,50 денари за литар, на еуросупер  98 ќе биде 87,5 денари, на еуродизел 82,5 денари.

Од РКЕ напоменуваат дека ова се максималните цени на нафтените деривати кои ќе важат од 00:01 часот на 7.7.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,576 отсто, кај дизелот зголемувањето е во просек за 5,201 отсто.

Курсот на денарот во однос на доларот во изминатиот период по кој беа формирани цените со претходната пресметка е повисок за 1,5132 отсто.