.webp){kind=icon}
Прекините во испораките на дизел од Русија, во комбинација со нарушеното производство на гориво во Франција создадоа недостиг од овој енергенс во некои делови од Европа, вели првиот човек на шпанската рафинерија за нафта Репсол СА.
„Немаме дестилати во некои европски земји“, вели главниот извршен директор Josu Jon Imaz, притоа мислејќи на дизел, масло за домаќинство и гориво за авиони. „Има простор за високи цени на дизелот во наредните месеци“.
Европа долго време е нето увозник на овие дестилати, а потрошувачката обично се зголемува во овој период од годината поради побарувачката за греење. Русија придонесе за екстремно затегнување на пазарот оваа година, како поради помалата понуда, така и поради одлуката на некои компании да користат дизел наместо скап природен гас. Соединетите држави исто така имаат недостиг од залихи.
Неодамнешните штрајкови во Франција, кои ги оставија рафинериите без работа, исто така извршија притисок врз пазарот, вели Imaz. Ова предизвика нагло зголемување на увозот.
