.webp){kind=icon}
Цената на бензинот еуросупер БС-95 да се зголеми за денар, а на еуросупер БС-98 за 1,5 денари, одлучи денеска Регулаторната комисија за енергетика (РКЕ). Истовремено, цената на еуродизелот (Д-Е V) се намалува за денар, а на екстра лесното масло за домаќинство (ЕЛ-1) за половина денар.
Од полноќ, новата цена на литар еуросупер БС-95 ќе изнесува 87,50 денари, литар еуросупер БС-98 ќе чини 90 денари, а 80 денари ќе биде цената на еуродизелот (Д-Е V) и на екстра лесното масло за домаќинство. Се намалува и цената на мазутот М-1 НС, за 0,567 денари за килограм и ќе чини 46,025 денари.
Со одлуката на РКЕ, малопродажните цени на нафтените деривати согласно методологијата за формирање на цените, се намалуваат во просек за 0,04 проценти во однос на цените од 14-ти месецов.
