.webp){kind=icon}
Нафтата падна бидејќи загриженоста за заострената монетарна политика на САД го засени оптимизмот oд закрепнувањето на кинеската побарувачка.
ВТИ (West Texas Intermediate) падна на 74 долари за барел откако во понеделникот затвори на 1,2 отсто повисоко. Двајца функционери на Федералните резерви изјавија дека централната банка најверојатно ќе мора да ги зголеми каматните стапки над 5 отсто пред да застане во борбата против инфлацијата. Коментарите, исто така, влијаеја на азиските акции и другите стоки.
Bloomberg Chartmaker
Нафтата зајакна во понеделникот откако Пекинг им даде на рафинериите и на трговците дарежлива увозна квота во својата втора распределба за 2023 година, додека најголемата азиска економија се подготвува за раст откако ги укина строгите ограничувања за ковид кон крајот на минатата година.
„Слабоста на доларот и растечкиот оптимизам околу приказната за кинеската побарувачка обезбедија поддршка за цените“, рече Ворен Патерсон, шеф за стратегија за стоки во ИНГ (ING Groep NV) во Сингапур. „Меѓутоа, на краток рок, пазарот и натаму изгледа добро снабден“, додава тој.
Цени:
- ВТИ за испорака во февруари падна за 0,4 отсто, на 74,36 долари за барел, во 6.05 часот во Лондон.
- Брент за мартовско порамнување падна за 0,5 отсто, на 79,28 долари за барел.
Извозот на руска нафта благо порасна минатата недела, но тоа не беше доволно за да се смени трендот на намалување на испораките до намалената група купувачи.
