Нафтата e стабилна во ситуација кога инвеститорите ги проценуваат изгледите за кинеската побарувачка, а послабиот долар ја направи стоката попривлечна за купувачите.
West Texas Intermediate (ВТИ) се задржа над 80 долари за барел откако заврши со мала промена во средата, додека глобалниот репер Брент благо се намали. Бројот на смртни случаи поврзани со коронавирусот и тешките случаи во болниците во Кина сега е 70 отсто под својот врв од почетокот на јануари, соопштија властите доцна во средата. Ова треба да помогне за обновување на мобилноста и потрошувачката на гориво кај најголемиот увозник на нафта во светот.
Суровата нафта исто така профитираше од падот на американската валута, при што во средата доларот падна на најниско ниво во последните девет месеци. Падот, што ги прави суровините поевтини за купувачите од странство, беше поттикнат од очекувањата дека на хоризонтот се наѕира пауза во циклусот на зголемување на стапките на Федералните резерви.
Последниот раст на цената на нафтата уследи по наглиот пад во првите две сесии од годината поради загриженоста за глобално забавување. Закрепнувањето главно се потпира на надежите дека кинеската потрошувачка ќе се зголеми по долгиот карантин. Ликвидноста се враќа и на пазарот на сурова нафта, со отворен интерес за глобалниот репер Брент.
EURUSD:CUR
EUR-USD X-RATE
1,0923 USD
+0,0007 +0,06%
почетна цена
1,0916
претходна цена на затворање
1,0916
промена од почетокот на годината
1,9337%
дневен опсег
1,09 - 1,09
опсег на 52 недели
0,95 - 1,15
„Послабиот долар и постојаните, позитивни сигнали од Кина за повторно отворање ги поддржаа“ цените на суровата нафта, рече Чару Чанана, пазарен стратег во „Саксо“ (Saxo Capital Markets Pte) во Сингапур.
Цени:
- ВТИ за испорака во март се зголеми за 0,2 отсто на 80,28 долари за барел во 5:12 часот во Лондон.
- Брент со мартовско порамнување поевтини за 0,1 отсто на 86,04 долари за барел.
За помалку од две недели ќе стартува забраната на Европската унија за увоз на руски нафтени деривати по морски пат, истовремено со ограничувањето на цената на горивата предводена од Групата седум. Русија пренесува рекордни количини од својата водечка сурова нафта Урал по море додека Москва се обидува да ги надмине транспортните трошоци кои се зголемија по европските санкции за нејзините текови на сурова нафта, а во контекст на војната во Украина.
Комерцијалните залихи на сурова нафта во САД се зголемија за околу половина милион барели минатата недела, покажуваат податоците на Управата за енергетски информации. Иако зголемувањето е помало отколку што очекуваа аналитичарите, тоа уследи по пораст од повеќе од 27 милиони барели во претходните две недели.
.webp){kind=icon}