.webp){kind=icon}
Експлозијата во голема фабрика за извоз на гас во Тексас минатиот јуни беше предизвикана од ненамерно отстранета заштита од прекумерен притисок и затворени вентили, соопштија федералните регулатори во саботата, во својот прв детален јавен извештај за инцидентот.
Регулаторите открија досега невидени фотографии од експлозијата на течниот природен гас во „Фрипорт“ (Freeport LNG), која вклучуваше голема огнена топка, распарчена опрема и парче цевка фрлена на стотици метри. Тие додадоа дека друг проектил ја отсекол опремата што влијаеше на локалното водоснабдување.
„Два дена пред експлозијата операторот на постројката достави извештај во кој забележал дека нешто не е во ред, бидејќи цевката не била на место. Но ниту еден постар вработен во ’Фрипорт’ не го следеше и не го разгледа ова прашање“, велат регулаторите.
„Имаше многу работи што ’Фрипорт’ не ги правел, а ги прават сличните објекти. Значи, мислам дека е фер изјава да се каже дека досега тие имаа некои системски проблеми“, рече Брајан Летко, директор во канцеларијата за безбедност на гасоводи при Министерството за транспорт.
Регулаторите не открија кога ќе продолжи со работа фабриката, која беше затворена по експлозијата. „Сè уште има делови од локацијата што треба да се поправат“, рече Летко, додавајќи дека „Фрипорт“ чека да пристигне опрема од производителот за да изврши некои поправки.
Bloomberg Mercury
Американскиот пазар за природен гас и глобалниот пазар за течен природен гас го чекаат рестартирањето на централата. Производството од објектот би можело да продолжи во март, но, според процените на БНЕФ (BNEF), веројатно нема да обезбеди зголемување на глобалните резерви на течен природен гас во текот на ова тримесечје.
На настанот, на кој се презентираше деталниот извештај, немаше претставник на „Фрипорт“. Компанијата соопшти дека нема коментар.
