Цената на европскиот јаглен падна под 100 долари за тон, односно на најниско ниво во речиси две години, бидејќи падот на побарувачката за електрична енергија и цените на гасот ја ограничија употребата на нечистото гориво.
Движење на цената на јагленот во Европа / Bloomberg Mercury
Електроцентралите го фаворизираат гасот наместо јагленот, при што силниот увоз на течен природен гас ги зголемува резервите и ја подобрува енергетската безбедност на регионот. Тоа е голема промена споредено со минатата година, кога Германија согоруваше јаглен со најбрзо темпо во последните најмалку шест години, откако Русија го намали протокот на гас во Европа.
Иако обновливите извори, како што се ветерот и сончевата енергија, треба да заземат поголем дел од европскиот пазар на електрична енергија оваа година, гасот останува главно гориво за деноноќно производство, бидејќи нациите како Германија и Белгија ги затвораат нуклеарните централи.
Тргувањето на јаглен за еден месец однапред за увоз во Амстердам, Ротердам и Антверпен сега се одвива по цена пониска дури за 6,8 проценти, односно падна до 98 долари за тон. Само за споредба, на почетокот од минатата година јагленот се продаваше по рекордно висока цена од 459,80 долари.
.webp){kind=icon}
