.webp){kind=icon}
Првите кинески фјучерси за литиум - суштинска состојка за батериите за електрични возила – имаа тежок почеток на првиот ден на тргување. Литиум карбонатот на фјучерс берзата во Гуангжу падна под основната цена од 246.000 јуани (34.263 долари) за тон, покажуваат податоците од берзата. Договорите за испорака во јануари паднаа на дури 215.000 јуани, пред да ги намалат загубите на тргување за околу 11 проценти. Оние за периодот февруари-јули потонаа за 14 проценти.
Фактот дека новите фјучерси се за следната година можеби придонесе за падот на цените, рече Ширли Ванг, генерален менаџер за истражување на индустријата на пазарот на метали во Шангај.
„Расположението сега е под влијание на очекуваниот вишок на производи од литиум во 2024 година“, рече таа, додавајќи дека првите квартали се исто така вообичаено бавен период за пополнување на залихите во Кина.
Прочитај повеќе
ИЕА: Веројатно нема да се јави недостиг од критични минерали
Неодамнешните инвестиции покажуваат дека пазарите на капитал ја вршат својата работа помагајќи да се стимулира понудата
11.07.2023
Новиот план на Чиле за литиумот ги плаши инвеститорите
Чилеанската влада бара контролен удел во сите идни проекти за литиум.
24.04.2023
Цени на литиум карбонатот - рафинирана форма на метал – имаа „диво возење“ во изминатиов период. Тие се искачија на рекорд во ноември кога глобалниот притисок кон електрифицираната транспортна флота ја зголеми потрошувачката, пред да паднат оваа година откако се намалија притисоците за снабдување.
Bloomberg
Се надеваме дека новите договори ќе обезбедат потранспарентни цени на литиум, ќе ја намалат нестабилноста на цените и ќе им дадат поефикасни начини на производителите и на купувачите да се заштитат од ризик. Главниот извршен директор на „Тесла“ (Tesla Inc.), Илон Маск, го опиша минатогодишниот пораст на цените на металот кој е клучен за транзицијата кон чиста енергија како „луд“.
Производителите на батерии и производителите на автомобили ширум светот сè уште се обидуваат да обезбедат договори за преземање или проширување за да ги пополнат резервите на суровини. Западните земји, исто така, ги засилуваат напорите да изградат сопствен синџир на снабдување со сојузниците, бидејќи Кина сè уште доминира во преработката и е значаен производител.
„Би сакал секторот за литиум и батерии да има порепрезентативен и покредибилен пазар на фјучерси“ во Кина, рече Денис Ип, аналитичар во „Даива Капитал Маркетс“ (Daiwa Capital Markets).
