Најголемиот конкурент на „Тесла“ (Tesla Inc.) најверојатно ќе биде кинеска компанија, изјави главниот извршен директор Илон Маск во разговорот со аналитичарите кои ја разгледуваа кварталната заработка на производителот на електрични возила.
Запрашан за кинеските автомобилски компании, Маск рече дека тие „работат најмногу и работат најпаметно“, опишувајќи ги како најконкурентни во светот.
„Ако треба погодувам, најверојатно е некоја компанија од Кина да биде втора по Тесла“, рече Маск.
„Тесла“ во јануари ги намали цените на своите модели во Кина, каде што има фабрика во Шангај, по претходната рунда намалувања на кинеското производство на „модел испилон“ и на „модел 3“ во октомври. Други производители на автомобили, исто така, најавија намалувања за да зафатат подобар удел на најголемиот светски пазар за електрични возила, вклучително и локални играчи како што е „Експенг“ (Xpeng Inc.) и „Аито“, кој е поддржан од „Хуавеј Технолоџис“ (Huawei Technologies Co).
Водечки кинески производител на електрични возила е „Бајд“ (BYD Co.), кој го надмина „Тесла“ во 2022 година.
Маск во разговорот со аналитичарите во средата рече дека Кина е најконкурентниот пазар. Тој даде слични коментари и претходно, вклучително и за време на онлајн форум во септември 2021 година, кога рече дека има „голема почит кон многуте кинески производители на автомобили“.
„Тесла“ направи повеќе од 710.000 електрични возила во Кина минатата година, што е околу 52 проценти од глобалното производство на компанијата. Маск рече дека 2022 година беше тешка поради затворањето на фабриката на „Тесла“ во Кина, заедно со повисоките трошоци за задолжување и логистичките проблеми.
„Без неочекувани пореметувања, светското производство може да се приближи до 2 милиони возила оваа година“, рече Маск.
„БлумбергНЕФ“ (BloombergNEF) очекува продажбата на „Тесла“ да порасне до 40 проценти во 2023 година, а неговиот „модел ипсилон“ да биде најпродаваното електично возило во светот, како и дека веројатно ќе влезе во првите три најпродавани модели од кој било тип.
Приходите на „Тесла“ во четвртиот квартал од 2022 година беа 24,3 милијарди долари, Компанијата објави заработка од 1,19 долари по акција, надминувајќи ја прогнозата на аналитичарите за заработка од 1,12 долари.
.webp){kind=icon}
Во моментов нема коментари за веста. Биди прв да коментира...