.webp){kind=icon}
Три земји во Европа се целосно зависни од рускиот гас. Меѓу нив е и Македонија, другите две се Босна и Херцеговина и Молдавија. Високо на листата земји зависни од рускиот енергенс се поранешните советски републики Летонија и Естонија, но и Бугарија, земјата преку која и Македонија добива руски гас.
Германија, земјата која која води најгласна битка за набавка на гас за претстојната зима е половично зависна од Русија.
Но, иако Германија има и други извори за снабдување, количините што во 2021 година ги увезла од Русија покажуваат дека оваа земја е најголем увозник во Европа.
Како двигатели на целокупната европска економија, Германија, Италија и Франција се најголеми купувачи на рускиот гас меѓу земјите од Европската унијаа. Гасот го користат на производство на електрична и топлинска енергија, но и за индустријата. Над 35% од вкупниот руски извоз на гас завршува во овие три земји.
Рускиот гас е привлечен за Европа бидејќи е лесен за транспорт и речиси секогаш достапен. Неговата важност се зголеми во последниве години откако некои земји се заложија да стават крај на производството на јаглен и нуклеарна енергија, а производството од нивните сопствени наоѓалишта на гас се намали.
