Пиратите од Сомалија киднапираат трговски бродови

Заканата за трговскиот превоз од сомалиските пирати расте, затоа што четири групи оперираат крај брегот на земјата, соопшти Европска унија.

„Се препорачува екстремна претпазливост при пловење по должината на брегот на Сомалија“, објавија поморските сили на Европската унија во регионот.

Вчера, бродот што беше киднапиран во декември почна да плови кон исток, што е знак дека може да се користи како брод за повеќе киднапирања во регионот, велат од безбедносните служби на „Амбри Аналитикс“. Истиот ден, друг брод што тргна и беше пренасочен оваа недела пристигна во близина на сомалискиот брег.

Пиратите од Сомалија прв пат успешно киднапираа брод во 2017 година и од тогаш бројот на групи кои се занимаваат со оваа активност е во пораст, а тој тренд е посебно видлив во последната година. Зголемувањето се совпадна со серија напади врз трговски бродови во Црвеното Море кои принудија значителен дел од глобалната флота да плови околу брегот на Африка, наместо да ја користи рутата низ Суецкиот канал.

Бродовите беа нападнати на оддалеченост од околу 600 милји од сомалискиот брег, а се верува дека пиратите оперираат во зона која се протега на повеќе од 1.000 милји, соопшти ЕУ. Се додава дека напаѓачите во моментов имаат најмалку седум мали бродови и два големи трговски брода со кои можат да ги вршат своите напади.

Во моментов нема коментари за веста. Биди прв да коментира...

Остави коментар