Расте цената на шеќерот

Фјучерсите на шеќерот пораснаа во Њујорк, поради сигналите дека се намалуваат резервите. Цените се зголемуваат откако минатата недела паднаа на најниско ниво во повеќе од една година.

Посувото време во Бразил, кое се најавува во следните шест до десет дена, ќе влијае на посевите, покажува прогнозата на „Максар технолоџис“ (Maxar Technologies), а националната компанија за снабдување минатата недела ја намали процената на производството за оваа земја за 2023-2024 година. Исто така производството на шеќерна трска во Тајланд во последната сезона е намалено за повеќе од 12 отсто во однос на претходната година поради суша и повисоки трошоци, соопшти владата.

Фјучерсите на суровиот шеќер паднаа за 3,1 отсто минатата недела, делумно поради послабиот бразилски реал (официјална валута на Федеративна Република Бразил) - што поттикнува поголем извоз - и оптимизмот во однос на индиското производство поради прогнозите за силни монсунски дождови. 

Цените во понеделникот во Њујорк се зголемија дури за 2,2 процента.

Bloomberg Mercury

Инаку, растот се должи и на некои „биковски“ вести за понудата и побарувачката „по бруталниот почеток на април“, се наведува во белешката на „Хајтауер рипорт“ (The Hightower Report). Сепак, правецот на бразилскиот реал ќе биде внимателно следен од трговците „бидејќи продолжувањето на трендот на намалување на реалот може да предизвика слична акција кај шеќерот“.