Цената на нафтата на светскиот пазар падна по податоците што укажуваат на послаба побарувачка и покрај зголемените геополитички тензии и во пресрет на состанокот на ОПЕК+ за политиката на снабдување.
Брент падна на 83 долари за барел, откако беше понизок за 0,3 отсто во понеделникот, додека вест тексас интермедиејт (ВТИ) беше близу 79 долари, и покрај нападите со беспилотни летала на Украина врз руските рафинерии и уште еден напад на Хутите врз танкер во Црвено Море за време на викендот.
Вредноста на нафтата годинава е повисока за околу осум отсто поради намалувањата на ОПЕК+, но брент ослабе од средината на април. Трговците очекуваат состанок на ОПЕК+ на почетокот на јуни за да се одреди политиката за снабдување за втората половина на годината, а набљудувачите на пазарот во голема мера очекуваат групата да ги задржи постојните ограничувања на производството.
Вредноста на размената поврзана со физичките товари во Северно Море беше негативна во понеделникот за првпат од февруари, што е дополнителен песимистички знак за нафтениот пазар. Некои рафинерии исто така ги намалија стапките на преработка, наведувајќи ја слабата побарувачка за горива. „Можноста за намалена побарувачка фрла сенка врз нафтените пазари“, рече Пријанка Сачдева, виша пазарна аналитичарка во брокерската куќа „Филип Нова“ (Phillip Nova Pte) во Сингапур.
Цени:
- Брентот за јулско порамнување падна за 0,5 отсто, на 83,28 долари за барел, во 12.27 часот во Сингапур.
- ВТИ за испорака во јуни, чиј рок истекува во вторник, падна за 0,6 отсто, на 79,32 долари за барел. Поактивниот јулски договор падна за 0,6 отсто, на 78,86 долари за барел.
.webp){kind=icon}
