Најголемата унгарска рафинерија соопшти дека ја платила руската транзитна такса на Украина, за да го реши спорот што доведе до запирање на протокот на нафта во централна Европа.
„Мол“ (Mol Nyrt) нафтената компанија која презеде иницијатива да ги деблокира резервите, соопшти дека Украина и Русија ја прифатиле нејзината одлука да се вклучи за подмирување на таксите за трансфер.
„Mol водеше преговори со украинската и руската страна за обновување на транспортот преку гасоводот 'Пријателство'“, се вели во соопштение испратено по електронска пошта во кое компанијата алудира на врската „Дружба“ од Русија. Mol посчи дека го префрлил износот за користење на украинскиот дел од гасоводот.
Прочитај повеќе
Запрен протокот на руска нафта преку гасоводот кон Централна Европа
Поради санкциите било спречено плаќањето на транзитната такса
09.08.2022
„Укртранснафта“ (Ukrtransnafta JSC) која управува со нафтената мрежа на Украина, го блокираше протокот на руска нафта преку „Дружба“ на 4 август, посочи во соопштение во вторникот рускиот оператор на гасоводот „Транснефт“ (Transneft PJSC).
Запирањето се случи откако исплатата на Transneft за транзитните такси за август беше одбиена од европските банки кои не го прифаќаа прекуграничниот трансфер без одобрение од националните регулатори поради европските санкции.
Bloomberg
Цените на нафтата паднаа како што се зголемуваат изгледите за обновување на протокот.
„Со преземање на таксата, Mol може да обезбеди брзо решение за проблемот“, посочи компанијата со седиште во Будимпешта. „Украинската страна вети дека ќе го обнови транспортот на сурова нафта во рок од неколку дена, кој беше запрен деновиве поради технички проблеми што се појавија на банкарскиот фронт“, се додава во соопштението.
.webp){kind=icon}