ББА коментар: Цените на бакарот ќе растат

Очекуваме раст на цените на бакарот како резултат на воведувањето царини од страна на САД, бидејќи САД се една од клучните географски области што ја формира побарувачката за бакар, особено сегментот поврзан со изградбата на информативни центри (центри за податоци), како и постројки за производство на енергија од одржливи извори. Разликата во цените на бакарот на Њујоршката берза и другите релевантни берзи (LME и SHFE) се зголеми како резултат на зголемената побарувачка од САД за да се вршат тргувања пред воведувањето на тарифата (front-running).

Ова доведе до акумулација на бакар во САД, бидејќи продавачите ја искористија премијата за цената во споредба со другите пазари. Побарувачката на бакар е доста добра и тоа е главниот фактор зошто цената продолжува да расте и покрај воведувањето на тарифите. Доколку постоеше страв од значителен пад на побарувачката поради воведувањето на тарифите, всушност би очекувале да преовладува песимизмот, меѓутоа, бакарот е еден од основните метали, нема соодветни замени и затоа има силна побарувачка.

Сепак, пазарот на капитал јасно гледа притисоци врз овој сектор под влијание на тарифите, а трендот на цените на акциите во секторот за ископ и производство на бакар (набљудуван преку ЕТФ кој се состои од рудници и компании кои генерираат повеќе од 50 проценти од својот приход од бакар, со фокус на канадскиот и американскиот пазар) во последните неколку месеци покажува раздвојување од самата цена на суровината.

 

Во моментов нема коментари за веста. Биди прв да коментира...

Остави коментар