Цената на нафтата напредуваше заедно со пазарите на акции откако американскиот трговски суд ги блокира глобалните тарифи на претседателот Доналд Трамп, сметајќи ги за нелегални.
Нафтата брент се искачи кон 66 долари за барел откако порасна за 1,3 отсто во претходната сесија, додека нафтата ВТИ беше близу 63 долари. Сеопфатните царини на Трамп и одмаздничките мерки од страна на погодените земји ги потресоа глобалните пазари и предизвикаа загриженост за економско забавување.
Bloomberg
Прочитај повеќе
Превирања на нафтениот пазар: Дали картелот ОПЕК+ ќе изненади?
Аналитичарите на „Блумберг Адрија“ ги сумираа неодамнешните случувања на пазарот на нафта, истакнувајќи дека ОПЕК+ кумулативно го зголеми дневното производство за 822.000 барели во мај и јуни.
27.05.2025
Кој е кој на нафтениот пазар во Македонија?
Во 2024 година најмногу е увезено дизел гориво, односно 67,66 проценти од вкупниот увоз, потоа следуваат моторните бензини со 13,29 проценти.
20.05.2025
Администрацијата на Трамп ќе поднесе жалба на пресудата, која се однесува на широк спектар на глобални давачки, вклучувајќи ги и зголемените стапки за Кина.
Нафтата се соочува со ценовен пад од средината на јануари поради загриженоста околу последиците од царините на Трамп, а оживувањето на неактивното производство од страна на ОПЕК+ дополнително ја влоши и онака негативната атмосфера. Клучните членови на групата ќе се состанат в сабота за да ја одредат политиката на производство за јули, а постојат очекувања за уште едно големо зголемување на понудата.
„Колективната мудрост на пазарот јасно ги зеде насловите како краткорочен позитивен показател за ризикот“, рече Крис Вестон, раководител на истражувањето во „Пеперстоун груп“ (Pepperstone Group Ltd.) во Мелбурн. „Сепак, трговците сè уште остануваат свесни за динамиката на понудата што се одвива со ОПЕК+“, додаде тој.
Во меѓувреме американските резерви од сурова нафта се намалија за 4,2 милиони барели минатата недела, објави Американскиот институт за нафта, според документ до кој дојде „Блумберг“.
.webp){kind=icon}
