Златото расте под притисок од инфлацијата

Вредноста на златото порасна поради малиот пад на доларот, а изгледите за инфлацијата поради зголемените трошоци на енергијата ги надминаа очекувањата за зголемување на каматите на Европската централна банка (ЕИБ).

Златните прачки се стабилизираа откако беше запрен петмесечниот пад, заклучно со август, додека приносите од американскиот долар и 10-годишните обврзници растеа, што е на штета на бескаматниот благороден метал.

Централните банки на глобално ниво ги подигнуваат каматните стапки за да се борат против инфлацијата, а очекувања дека Европската централна банка ќе ја зголеми каматната стапка за 75 базни поени во четврток секојдневно растат. Во меѓувреме, Народната банка на Кина тргна во спротивна насока и неодамна ја намали својата каматна стапка за 10 базни поени.

Вчера кинеските власти рекоа дека е „од клучна важност“ земјата да ја усвои политиката за поддршка во овој квартал додека се обидува да заздрави од загубите поврзани со пандемијата. Кинеската централна банка, исто така, по втор пат годинава ги смали и депозититие во странски влути, што банките мора да ги издвојуваат како резерви, во обид да го зајакне јуанот откако валутата падна на најниско ниво во последните две години.

Европските министри во петок ќе разговараат за посебни мерки за зауздување на растечките трошоци за енергија, од ограничување на цената на гасот, до суспензија на тргувањето со енергетски деривати, додека блокот се обидува да одговори на се' подлабоката криза. Инаку, суровата нафта порасна откако ОПЕК+ најави дека ќе го намали производството за 100.000 барели дневно во октомври.

Промптното злато утрово порасна за 0,6 отсто на 1.719,90 долари за унца, откако вчера падна за 0,1 отсто. Среброто, платината и паладиумот, исто така, растат.

Во моментов нема коментари за веста. Биди прв да коментира...

Остави коментар