Златото се враќа „во форма“

Вредноста на златото стигна до највисоко ниво од крајот на август, бидејќи доларот ослабна за нијанса, а се зацврстија очекувањата за зголемување на каматната стапка од страна на американските Федерални резерви (ФЕД) на состанокот на банкарите што треба да се одржи кон крајот на месецов.

Златните прачки пораснаа од нивото од околу 1.700 дплари за унца, колку што вредеа на почетокот од неделава, што според аналитичарите се сметаше за „опасна зона“ ако вредноста на благородниот метал падне под тоа ниво. Утрово златото доби дури  1,2 отсто на својата вредност и почна да се движи кон првата неделна добивка во последниот месец.

Златото утрово се искачи на 1.727,25 долари за унца и доколку продолжи да се тргува со такво темпо може да достигне 0,9 отсто неделен раст. Растат и среброто, платината и паладиумот.

Претседателот на Федералните резерви, Џереми Пауел, вчера изјави дека централната банка треба да „делува веднаш и директно“, за инфлацијата да се стави под контрола, зголемувајќи ги изгледите за покачување на референтната каматна стапка за 75 базни поени.

Во моментов нема коментари за веста. Биди прв да коментира...

Остави коментар