„Блекрок“ (BlackRock) собра нето 130 милијарди долари готовина од клиентите во првото тримесечје, додека парите на инвеститорите продолжија да пристигнуваат и покрај нестабилноста на јавните и приватните пазари и долготрајната неизвесност околу војната со Иран.
Клиентите нето додадоа 72 милијарди долари во акциски фондови и 34 милијарди долари во фондови со фиксен принос, соопшти „Блекрок“ во вторникот.
Нето приливите во долгорочните инвестициски фондови изнесуваа 136 милијарди долари, што е помалку од просечната проценка на аналитичарите од 152 милијарди долари, според податоците собрани од „Блумберг“. Фондовите со кои се тргува на берза (ЕТФ) привлекоа 132 милијарди долари, што го претставува речиси целиот прилив.
Прочитај повеќе
„Блекрок“: ЕТФ-ови со фокус на европски акции лани со приливи колку за една деценија
Овие фондови привлекоа 92 милијарди долари минатата година, близу до 94-те милијарди долари што кумулативно ги добија помеѓу 2014 и 2024 година.
26.01.2026
„Блекрок“ повлече мистериозен потег во голема австриска банка
Најголемиот светски управувач со средства „Блекрок“ пријави промена во сопственичкиот удел во австриската „Баваг“.
31.07.2025
„Блекрок“ навлегува подлабоко во криптото
„Блекрок“ планира да купи околу 10 отсто од акциите понудени во иницијалната јавна понуда (ИПО) на „Сркл“.
02.06.2025
Вкупната имотна маса под управување падна на 13,9 билиони долари, а инвеститорите повлекоа шест милијарди долари од сметките на пазарот на пари и од сметките за управување со готовина.
„'Блекрок' имаше еден од најсилните почетоци на годината во нашата историја“, изјави главниот извршен директор Лари Финк. „Нашите резултати и растечкиот обем на идни зделки покажуваат дека клиентите, кога донесуваат големи одлуки за своите портфолија, го избираат 'Блекрок'.“
Bloomberg
Прилагодената добивка по акција на „Блекрок“ во ова тримесечје порасна за 11 проценти во однос на претходната година, на 12,53 долари. Тоа ги надмина просечните проценки на аналитичарите од 11,48 долари. Приходите пораснаа за 27 проценти на 6,7 милијарди долари во споредба со истиот период минатата година.
Како долгогодишен доминантен играч во акции, обврзници и јавни пазари, „Блекрок“ се наоѓа во процес на трансформација во една од најголемите компании на глобалните пазари на приватни кредити и инфраструктура - вклучително и купувањето на кредитната компанија ХПС (HPS Investment Partners) за 12 милијарди долари минатата година.
Додека индустријата на приватни кредити во последните месеци почна да се соочува со криза, водечкиот малопродажен фонд на ХПС беше погоден од силно зголемување на барањата за исплата (повлекување на удели). Управителот на имот ја ограничи можноста инвеститорите да повлечат готовина од фондот HPS Corporate Lending на околу половина од 1,2 милијарди долари што беа побарани, тврдејќи дека тоа е неопходно за да се заштити од „структурна неусогласеност помеѓу капиталот на инвеститорите и очекуваното времетраење на приватните кредитни заеми“ во фондот.
Севкупно, „Блекрок“ во ова тримесечје собра 14,6 милијарди долари во ликвидни алтернативни инвестиции и приватни средства, во споредба со 15,6 милијарди долари во претходното тримесечје.
Акциите на „Блекрок“ пораснаа во претпазарното тргување.
.webp){kind=icon}
