Кинескиот претседател Шји Џјинпинг сигнализираше дека Кина се движи кон поголема отвореност, упатувајќи оптимистичка порака за време на средбата со американските бизнис-лидери што го придружуваа Доналд Трамп, додека двајцата претседатели ги завршуваа утринските разговори обележани со чувствителни прашања како трговијата и Тајван.
„Американските компании се длабоко вклучени во процесот на реформи и отворање на Кина, процес од кој двете страни имаат корист“, изјави Шји пред повеќе од десет претставници на бизнис-заедницата собрани во Големата сала на народот во Пекинг, јави Кинеската централна телевизија (China Central Television). „Вратата на Кина кон надворешниот свет само ќе се отвора уште пошироко.“
На снимките објавени од државната телевизија се гледаат извршните директори, меѓу кои извршниот директор на „Тесла“, Илон Маск, директорот на „Епл“, Тим Кук, шефот на „Боинг“, Кели Ортберг, и директорот на „Енвидија“, Џенсен Хуанг, кои заедно со делегацијата биле спроведени во салата за состанок.
Прочитај повеќе
Координирано ривалство меѓу две супер сили
Додека познавачите на кинеските прилики очекуваат за американскиот претседател Доналд Трамп да биде организирана голема манифестација во Пекинг, целиот свет со страв го очекува самитот на кинескиот претседател Шји Џинпинг со неговиот американски колега.
пред 1 час
Трамп во историска посета на Кина, Шји најави уште поголемо отворање на економијата
Тајван се наметна како најчувствителна тема на разговорите, при што Шји предупреди дека погрешни чекори можат да доведат до конфликт. Истовремено, средбата меѓу Трамп и Шји внимателно ја следеа пазарите, при што кинеските технолошки акции забележаа пад.
пред 4 часа
Раст на „Енвидија“ и „Тесла“ откако нивните директори заминаа со Трамп во Кина
Претстојниот состанок меѓу американскиот претседател Доналд Трамп и неговиот кинески колега Шји Џјинпинг може да биде следниот тест за акциите што бележат рекорд по рекорд.
пред 21 час
Илон Маск, Џенсен Хуанг и Тим Кук со Трамп во Кина, ВИ е во центарот на вниманието
Џенсен Хуанг му се приклучи на бизнис тимот на Трамп на патувањето во Кина, ВИ чиповите и трговските односи се во фокусот на самитот во Пекинг.
13.05.2026
Пораката на Шји ја повторува долгорочната позиција на кинеското раководство за отворање кон светот и изгледа како одговор на повикот од Трамп Кина да се „отвори“, што тој го најави како клучно барање во име на бизнис-делегацијата.
Листа на извршни директори што отпатуваа со Трамп во Кина
Bloomberg
Во своите изјави, Шји додаде дека очекува американските компании да имаат уште пошироки можности на кинескиот пазар. Претставниците на американските компании, според државните медиуми, изразиле високо мислење за кинескиот пазар и желба за продлабочување на соработката и проширување на своето присуство.
Трговските бариери и пристапот до пазарите со години претставуваат едни од главните точки на несогласување меѓу двете најголеми економии во светот, особено по приклучувањето на Кина во Светската трговска организација со поддршка од САД пред повеќе од две децении.
Посетата на Трамп претставува прва државна посета на актуелен американски претседател на Кина по девет години.
Во воведните обраќања Трамп посочи дека бизнисмените ќе „му оддадат почит“ на кинескиот лидер и дека „со нетрпение очекуваат трговија и бизнис“.
За време на разговорите некои од американските извршни директори накратко се обратија пред медиумите. Маск изјави дека сака да постигне „многу добри работи“ и дека состаноците биле „прекрасни“, додека Кук даде знак со палец нагоре, а Хуанг изјави дека „Шји и претседателот Трамп биле неверојатни“.
Трамп, според најавите, настојува да обезбеди нови деловни договори со Кина во повеќе сектори, вклучувајќи ги земјоделството, енергијата и воздухопловството, како и потенцијална голема нарачка на авиони од „Боинг“.
Американската бизнис-делегација вклучува и компании со силно присуство на кинескиот пазар, но и фирми како „Микрон“ (Micron Technology), кои во минатото се соочија со ограничувања на кинескиот пазар по одредени безбедносни проверки.
.webp){kind=icon}
