Платите растат и отпуштањата се сè поретки. Но и покрај тоа, сè што треба да направите е да појдете до апаратот за вода во канцеларијата за да слушнете поплаки околу покачувањата, унапредувањата, па дури и за досадата.
Според податоците од Линкдин (LinkedIn), 43 отсто од професионалците во САД се чувствуваат заглавено на своите работни позиции во моментов. За среќа, има тактики со кои оваа појава може да се надмине.
Добро утро, во продолжение се петте вести што мора да ги знаете на почетокот на овој ден.
Што треба да содржи буџетот за 2025 година?
Стапка на раст на економијата меѓу 3,5 и 3,7 отсто, дефицит до четири отсто, инфлација под три отсто. Ова се главните точки од буџетот за 2025 година што засега се познати во јавноста.
Што ќе содржи предлог-буџетот, јавноста ќе знае можеби веќе утре. Доколку денеска не завршат финалните консултации меѓу буџетските корисници, тогаш министерката ќе го достави буџетот до Владата до крајот на месецов. Додека се во тек денешните последни натегања каде да се додаде, а каде да се скрати, „Блумберг Адрија“ ги праша експертите, стопанствениците, активистите, синдикатите што треба да биде приоритет во следната година.
Фискална стратегија на Македонија: Нов раст на пензиите, нови задолжувања
Континуиран раст на бруто-домашниот производ, кој би требало да достигне високи пет проценти во 2028 година, намалување на невработеноста и забавен раст на просечната плата предвидува фискалната стратегија на Македонија за периодот 2025-2029 година, која ја усвои Владата и веќе е влезена во собраниска процедура.
Се прогнозира дека растот на македонската економија ќе забрза на 3,7 проценти во 2025 година, четири проценти во 2026 година и просечен раст од 4,8 проценти во периодот 2027-2029 година.
Кој би можел да се збогати од епидемија на мајмунски сипаници?
Мајмунските сипаници беа главоболка за африканските здравствени работници повеќе од половина век, но овој вирус го привлече вниманието на јавноста во остатокот од светот дури во 2022 година, кога се прошири и во други земји. Светската здравствена организација (СЗО) тогаш прогласи вонредна состојба во јавното здравство на 10 месеци, а новиот вид на вирус ја принуди СЗО да го преземе истиот чекор сега.
Единствената ефикасна бариера за натамошното ширење на вирусот би можела да биде вакцината, а единствената компанија што моментално има одобрена вакцина (изработена исклучиво за оваа болест) во Европа и во САД е „Бавариан Нордик“ (Bavarian Nordic) За данската компанија ова претставува голема одговорност, но и одлична можност за остварување профит што може да го остварат само монополистите во областите во кои работат.
Блаж Бродњак поднесе оставка од Надзорниот одбор на „НЛБ банка“ АД Скопје
„НЛБ банка“ АД Скопје информира дека на 10 октомври годинава Блаж Бродњак поднел оставка од функцијата претседател на Надзорниот одбор на „НЛБ банка“ АД Скопје.
„До добивање согласност од гувернерот на Народната Банка на Република Северна Македонија за именување нов член на Надзорниот одбор на банката, Блаж Бродњак ќе продолжи да ја извршува својата функција како претседател на Надзорниот одбор на банката“, информираат од „НЛБ банка“ АД Скопје.
Тетовската „Изо стоне“ купи 6,62 проценти од акциите на „Македонијатурист“
Тетовската градежна компанија „Изо стоне“ (Izostone) влезе во сопственичката структура на „Македонијатурист“. Податоците на Централниот депозитар за хартии од вредност покажуваат дека тетовската компанија во изминатава недела купила 6,62 проценти од вкупниот број акции на „Македонијатурист“.
Со тоа, тетовската компанија им се придружи на уште пет акционери што поседуваат над пет проценти од акциите во „Македонијатурист“. Тоа се Доне Таневски, кој поседува 23,40 проценти од вкупниот број акции на компанијата, „Сава пензиски фонд“, во чија сопственост се 8,80 проценти од вкупниот број акции, „Македонијатурист“ (10 проценти), Соња Бибановска (11,27 проценти) и Симеон Павлов (5,01 проценти).
.webp){kind=icon}
