.webp){kind=icon}
Тетовската градежна компанија „Изо стоне“ (Izostone) влезе во сопственичката структура на „Македонијатурист“. Податоците на Централниот депозитар за хартии од вредност покажуваат дека тетовската компанија во изминатава недела купила 6,62 проценти од вкупниот број акции на „Македонијатурист“.
Со тоа, тетовската компанија им се придружи на уште пет акционери кои поседуваат над пет проценти од акциите во „Македонијатурист“. Тоа се Доне Таневски кој поседува 23,40 проценти од вкупниот број акции на компанијата, „Сава пензиски фонд“, во чија сопственост се 8,80 проценти од вкупниот број акции, „Македонијатурист“ (10 проценти), Соња Бибановска (11,27 проценти) и Симеон Павлов (5,01 проценти).
„Блумберг Адрија“ на 7 октомври објави дека во блок трансакција вредна 133,5 милиони денари (2,1 милиони евра) на Македонската берза се продадоа 14.054 акции од „Македонијатурист“ коишто претставуваат 3,11 проценти од основната главнина на друштвото. Акциите се продадоа по цена од 9.500 денари за акција, што е значително повеќе од просечната цена по која се тргуваа акциите во изминатиов период. Тоа беше само една од низата блок трансакции со акциите на компанијата во текот на октомври.
Прочитај повеќе
Продадени акции од „Македонијатурист“ за 2,1 милиони евра, берзата прашува што се случува?
Македонската берза побарала од компанијата одговор дали има необјавени ценовно чувствителни информации кои би влијаеле на цената на акциите.
07.10.2024
Доне Таневски ја зголеми сопственоста во „Македонијатурист“
Претседателот на Надзорниот одбор на „Македонијатурист“ АД Скопје, се стекна со 5.381 обична акција и сега поседува 105.829 обични акции од компанијата.
03.10.2024
Милионски блок трансакции со акциите на „Македонијатурист“ ја размрдаа берзата
„Македонијатурист“ е една од компаниите на Македонската берза што бележат континуиран раст на вредноста на акциите.
01.10.2024
Голем пакет на продажба: Кој ќе плати 7 милиони евра за акции во „Македонијатурист“?
Во пакетот практично се продава 9,83 отсто од основната главнина на друштвото, со почетна продажна цена од 9.800 денари по акција преку моделот „се или ништо“.
12.07.2024
Тогаш, „Македонијатурист“ по барање на Македонската берза за објавување на ценовно чувствителни информации кои не се објавени, а кои можат да имаат влијание на формирањето на пазарната цена на акциите, информираа дека не поседуваат ценовно чувствителни информации во врска со работењето кои досега не се објавени.
