Компанијата „Терна“ ги започна прелиминарните работи за грчкиот дел од интерконекторот за природен гас што ќе ги поврзе Грција и Македонија. Компанијата треба до следната пролет да го изгради гасоводот до Евзони/Гевгелија. Проектот веќе доцни поради наша вина. Кај нас беше поништена постапката и беше отпочната нова за, како што велат надлежноте, 12 милиони евра пониска цена од минатиот пат. Но, уште се чека амин од Европската инвестициона банка за допрва да се одбере најдобар понудивач што ќе го гради гасоводот на македонска територија. Освен диверзификација на изворите на снабдување со природен гас, земјава ќе има корист и од транзит на гасот кон север.
Може ли персоналецот да ги прероди општините?
Секој жител во на Македонија за периодот 2021 – 2023 година платил во просек по 1.426 денари данок на имот. Во однос на периодот 2017 – 2020 година сумата по овој основ се зголемила за 66 отсто, покажува последната студија на „Фајненс тинк“.
Зголемените дотации не влијаеа да се намали задолженоста на општините, чии достасани, а неплатени обврски на крајот на 2024 година надминуваат 180 милиони евра. Според градоначалниците, решението за хроничниот недостиг од пари кај општините е во зголемувањето на дотациите по основ на персонален данок.
Банките „под радарот“ за бојкот: Профитите рекордни, а услугите сѐ поскапи
Огорченоста на граѓаните во Македонија и регионот поради високите цени периодов е фокусирана само на трговците, кои се наводно најголемите виновници за сѐ понискиот животен стандард. Бојкоти кон трговските синџири се организираат насекаде на Балканот, но во меѓувреме, „под радарот“ се протнуваат банките, кои уриваат рекорди со своите профити од година на година, а цените на нивните услуги поскапуваат постојано.
Трите најголеми банки во Македонија, на пример, во 2024 година заработиле чисти безмалку 200 милиони евра (191 милион евра), од кои само од провизии и од надоместоци инкасирале 58,6 милиони евра, што е за 11,4 проценти повеќе одошто во 2023 година.
Пониски маржи и ДДВ нема да го решат проблемот со високите цени
Ниту ограничувањето на маржите по предлог на власта, ниту намалување на ДДВ за храна и струја по предлог на опозицијата не се решенија кои ќе ги зауздаат растечките цени во земјава. Вистинското решение се суштински реформи, вели во разговор за ТВ Блумберг Адрија универзитетскиот професор, Ванчо Узунов.
Според него, опозицискиот предлог за пониско ДДВ е нецелосен и ќе доведе до зголемување на давачката за други производи. За ограничувањето на маржите пак, што е стара мерка, тој вели дека не е долгорочно решение.
Статистиката минатата недела измери инфлација од 4,9 отсто на годишно ниво, како и за 0,2 проценти во однос на декември, што е јасен сигнал дека инфлацијата повторно се разгорува.
Див пораст на акциите на европските одбранбени компании: Тргна ли возот?
„ЕУ и нејзините земји-членки се обврзаа да трошат повеќе и подобро за одбраната како одговор на невидените закани и безбедносни предизвици со кои моментално се соочува Европа“, се наведува на веб-страницата на Европската унија (ЕУ). Tоа предизвика низа активности и секако, се одрази на пазарите на капитал. Тие кои се обложуваат на акции на компании во одбранбениот сектор забележаа значително зголемување на нивното богатство.
Кои европски акции од одбранбениот сектор и да ги одберете, нема да згрешите. Сепак, во последните пет години апсолутен рекордер во Европа е германската компанија „Рајнметал“, бидејќи нејзиниот удел вреди десет пати повеќе од пред пет години, со просечен раст од 58 проценти.
Криптоскандалот со аргентинскиот претседател се проширува со обвинувања против неговата сестра
Политичката прашина околу улогата на аргентинскиот претседател Хавиер Милеи во криптоскандалот го насочи вниманието кон неговата најблиска советничка и чуварка: неговата сестра.
Хејден Дејвис, клучна фигура зад токенот либра (Libra), чија вредност скокна, а потоа се урна во петокот вечер, откако Милеи го промовира на мрежата X, се пофали во текстуална порака до друг инвеститор дека ѝ плаќа на Карина Милеи за да го натера претседателот да ја спроведе неговата понуда, пишуваат тамошните медиуми.
Карина беше таа што првпат се сретна во претседателската палата со локалниот криптоконсултант Маурицио Новели, кој подоцна го запозна нејзиниот брат со неколку страни вклучени во случувањата со мемекоинот. Падот на токенот и неуспешните обиди на владата да го врати наративот прераснаа во најголемиот скандал со кој се соочи либералот откако ја презеде власта пред повеќе од една година.
.webp){kind=icon}
