Политичарите во земјава вчера беа доста активни на економски план. Владата за годинава подготви план за вработување 16.000 граѓани (вреден 40 милиони евра), од кои се очекува 65 проценти да бидат млади до 29 години.
А, по предлог на Министерството за финансии, Владата ги усвои измените и дополнувањата на Законот за царинската тарифа со кои се пристапува кон намалување на царинските стапки на околу 70 стоки, главно суровини и репроматеријали што се користат од страна на индустријата во земјата.
Големи и мали: Кои се главните недоумици за милијардите од Британија?
Договорот влада со влада, постигнат меѓу премиерите на Северна Македонија и на Обединетото Кралство, Христијан Мицкоски и Кир Стармер, од економски аспект нуди многу решенија за стари проблеми. Од политички, отвора многу прашања, а главното е дали земјава, изморена од долгото чекање пред вратата на Европската Унија, скршнува од европскиот пат и бара алтернативи за да го забрза својот развој.
Договорот тежи пет милијарди фунти или над шест милијарди евра. Неговата важност е 10 години, а отплатите на заемот ќе бидат со грејс период од пет години. Каматата е непозната, но, според најавата на премиерот, земјава ги добива парите под услови што ги опиша како „најдобри достапни на пазарот“. Собранието вчера го верификува договорот, за кој пратениците на СДСМ не гласаа и извикуваа – уа!
Македонија на дното според пријавени европски патенти: само два во 2024 година
Само две патентни апликации се поднесени од македонски иноватори до Европскиот патентен завод (ЕПЗ) во 2024 година, или двојно помалку од 2023 година, со што Македонија е на дното во Европа, и во апсолутна бројка и според број на патенти на еден милион жители, покажува извештајот на ЕПЗ.
Според овој извештај, од европските земји членки водечка според европски патентни апликации е Германија, со 25.033 апликации во 2024 година, пред Франција со 10.980, Швајцарија со 9.966 и Холандија со 7.054. Од регионот Адрија, убедливо водечка според бројот на патентни апликации е Словенија, со 156.
Истражување: Продуктивноста на македонските компании е загрижувачки ниска
Ограничениот пристап до финансии, слабите институции и корупцијата се главните пречки за растот на продуктивноста и развојот на македонските фирми. Овие фактори ја нарушуваат конкуренцијата и создаваат долгорочна непредвидливост, која ги обесхрабрува инвестициите и иновациите, кои пак, заедно со добрите менаџерски практики и вештините, имаат суштинско значење за долгорочна конкурентност на домашните компании. Ова се дел од клучните наоди од истражувањето презентирано во рамките на националната конференција „Продуктивноста и нејзините главни двигатели за економски раст и конкурентност“, која се одржа по повод 20-годишнината на Организацијата на работодавци на Македонија.
Германија ѝ одобри на Украина нови пет милијарди евра воена помош
Германија се согласи да ѝ обезбеди на Украина воена помош во износ од пет милијарди евра, како дел од ветувањето на канцеларот Фридрих Мерц да му помогне на Киев во развојот на оружје со долг дострел за напади врз цели на територијата на Русија.
Германските средства ќе бидат насочени кон изградба на производствена инфраструктура во земјата што е воена цел, а „значителен“ број оружени системи треба да бидат произведени уште годинава, соопшти Министерството за одбрана. Првите системи ќе бидат оперативни во наредните недели. Берлин исто така ќе ги зголеми испораките на компоненти за оружени системи, вклучувајќи и артилерија.
Германија ќе ја укинува можноста за брзо добивање државјанство
Германија планира да воведе закон за укинување на опцијата за забрзан процес што им овозможува на добро интегрираните мигранти да се натурализираат по три години во земјата. Овој потег е дел од пошироките напори на новиот конзервативен лидер Фридрих Мерц да ја направи најголемата економија во Европа помалку привлечна за странците.
Според постојната политика, жителите можат да аплицираат за натурализација по три години во Германија, доколку имаат постигнато течно познавање на германскиот јазик и можат да покажат извонредни образовни или професионални достигнувања. Инаку, постојаните жители можат да аплицираат за германско државјанство по пет години ако исполнуваат одредени услови што вклучуваат јазични вештини и познавање на германската историја.
За регистрација за конференцијата на „Блумберг Адрија“ (Consumer Trends) кликнете на овој линк.
.webp){kind=icon}
Во моментов нема коментари за веста. Биди прв да коментира...