На предог на Министерството за финансии, Владата вчера на седница ги усвои измените и дополнувањата на Законот за царинската тарифа со кои се пристапува кон намалување на царинските стапки на околу 70 стоки, главно суровини и репроматеријали кои се користат од страна на индустријата во земјата.
Измената е дел од програмата за работа на Владата 2024-2028 година со која е предвидено постепена хармонизација на царинските стапки со стапките кои се применуваат во ЕУ, адаптирано на извозно-увозните потреби на стопанството и на државата.
„Оттука, во рамки на предвидената постепена хармонизација, во јули 2025 година ќе се изврши намалување за 50 проценти на разликата помеѓу царинските стапки што се применуваат за увоз на предметните стоки кај нас и царинските стапки за истите кои важат во ЕУ, со интенција за понатамошно доусогласување“, информираат од Министерството.
Прочитај повеќе
Можен ли е инвестициски бум од шест милијарди евра во Македонија?
Визијата на Владата е да се поттикнат економски раст и развој и да се подобрат условите за бизнис и животниот стандард на граѓаните.
14.05.2025
„Војна за цените“: Владата замрзна маржи, а трговци картелски се договарале
Антимонополската комисија наводно фатила на дело четири трговски синџири како картелски се договараат за цени, откако Владата замрзна маржи на 1.000 производи
24.02.2025
Владата одобри 250 милиони евра од унгарскиот кредит за бизнис секторот
Развојната банка сега може да ги потпише договорите со банките и средствата да станат оперативни.
28.01.2025
Владата ќе и овозможи на „Бехтел и Енка“ полесно да ангажира работници од странство
Се подготвуваат измени на Законот за странци.
13.01.2025
Оттаму додаваат дека наведената законска измена е во насока на зголемување на конкурентноста на домашните компании кои извезуваат на странските пазари и зголемување на македонскиот извоз како и зголемен девизен прилив, а се очекува и зголемување на инвестициите и бројот на вработувањата.
„Со намалувањето на царинските стапки директно ќе се помогне во секторите на автомобилската и метало-преработувачката индустрија, металургијата и енергетиката“, наведуваат од Министерството.
Со предложените законски измени е опфатено и намалување на царинските стапки за литиум-јонски батерии за складирање на електрична енергија во секторот енергетика.
„Целта е да се помогне во енергетскиот сектор, во насока на зголемување на своите капацитети, зголемување на извозната конкурентност, и се очекува зголемување на инвестициите и бројот на вработувањата“, соопшти Министерството.
Предлог-законот за измени и дополнување на Законот за царинската тарифа ќе биде доставен во Собранието на усвојување.
.webp){kind=icon}
Во моментов нема коментари за веста. Биди прв да коментира...