Владата подготви план за вработување на 16.000 граѓани вреден 40 милиони евра

Оперативниот план за вработување за 2025 година е вреден 40 милиони евра и опфаќа над 16.000 невработени, од кои се очекува 65 проценти да се млади до 29 години, информира претседателот на Владата Христијан Мицкоски на денешната прес-конференција на која го презентираше планот.

„Еден од главните приоритети на оваа Влада е зголемување на благосостојбата на граѓаните, намалување на невработеноста и креирање на мерки насочени кон балансиран и ефективен пазар на труд, затоа на последната седница срочивме оперативен план за вработување вреден 40 милиони евра со кои ќе бидат опфатени над 16 илјади наши сограѓани, од кои 12.537 лица во активни мерки за вработување, а 3.520 лица во услуги за вработување“, рече Мицкоски.

Тој додаде дека со овој план се опфаќаат две глави точки - првата е директна поддршка за стартап бизниси на млади, втората е организиран пристап во сузбивањето на пожари за што ќе се вработат 400 пожарникари кои ќе се стават на располагање на општините каде ќе има потреба, како и дополнително вработување на 600 невработени лица кои ќе бидат ангажирани за јавни работи и општински проекти од инфраструктура и заштита на животна средина на локално ниво.

Тој рече дека се очекува голема вклученост на млади бидејќи мерките кои биле креирани имале за цел да ја опфатат токму оваа категорија на граѓани.

Во моментов нема коментари за веста. Биди прв да коментира...

Остави коментар