Американскиот претседател Доналд Трамп изјави дека земјите членки на НАТО треба да соборат руски авиони доколку го нарушат нивниот воздушен простор, додека истовремено изрази поголема поддршка за шансите на Украина да ја добие војната.
Во последователна објава на социјалните мрежи, Трамп оцени дека Украина, со поддршка од Европската Унија, е во позиција не само да се брани туку и да си ја врати целата територија што Русија ја зазеде од 2022 година – па дури и повеќе.
Колку заработуваат приватните телевизии и радија во Македонија?
Петте терестријални телевизии на државно ниво (Алфа, Алсат-М, Канал 5, Сител и Телма) лани оствариле вкупни приходи од 1,32 милијарди денари (21,4 милиони евра). Нивните вкупни трошоци изнесувале 19,3 милиони евра, а вкупната добивка била 1,8 милиони евра). Сите пет телевизии оствариле добивка од работењето.
Од Агенцијата за аудио и аудиовизуелни медиумски услуги во анализата на пазарот за 2024 година информираат дека дури 43 проценти од вкупните приходи на овој релевантен пазар се приходите на Сител (во апсолутен износ од 9,2 милиони евра), а 21 отсто се приходите на Канал 5 (околу 4,5 милиони евра).
Дискриминирани приходи – да се има сè е само сон
Жените трошат двојно повеќе време на неплатена работа дома – или 20 наспроти 11 проценти, колку што посветуваат мажите. Овие податоци на Обединетите нации најверојатно секој од нас ги слушнал некогаш или, ако не, знае дека тоа е така некако. Суровата реалност што ја отсликуваат бројките станува уште посурова кога промените не настануваат брзо. Во пoмалку развиените земји во нашиот регион можеби и воопшто не доаѓа до тоа. Од друга страна, жените често се принудени да изберат помалку напорни работни места или да се повлечат од пазарот на работната сила. Дури и жените без деца се дискриминирани поради претпоставки за породилно отсуство. Родовиот јаз во платите е другата страна на приказната. Читајте ја нашата анализа.
Зошто „Прилепска пиварница“ е скриен дијамант на Македонската берза?
Во последните три години, „Прилепска пиварница“ имаше раст на цената од само десет проценти, со напомена дека поголемиот дел од растот е направен во последната година, додека индексот на Македонската берза - МБИ оствари речиси 80 проценти првенствено благодарение на банкарските акции.
Но, она што фасцинира пред сè е фактот дека пазарната капитализација е само 23,5 милиони евра, додека билансот на состојба на компанијата покажува вредност на капиталот од 47,5 милиони евра. Во тој износ, дури 33,7 милиони евра се однесуваат на задржана добивка, па затоа има простор за исплата на дивиденда. Со други зборови, доколку би исплатила само задржана добивка, таа би изнесувала 843,11 евра по акција, или речиси еден и пол пати повеќе од моменталната цена на акциите.
Акциите на „Алибаба“ скокнаа по рекордната инвестиција во АИ од над 50 милијарди долари
Акциите на „Алибаба груп холдинг“ (Alibaba Group Holding Ltd.) скокнаа на највисокото ниво во речиси четири години, откако компанијата објави планови за зголемување на вложувањата во вештачка интелигенција (АИ) над првично најавените 50 милијарди долари. Со тоа „Алибаба“ им се приклучи на технолошките гиганти што издвојуваат сè поголеми суми во глобалната трка за технолошки пробив.
Главниот извршен директор Еди Ву очекува вкупните инвестиции во вештачка интелигенција во светски рамки да достигнат околу четири билиони долари во следните пет години – a, „Алибаба“ мора да држи чекор со тој тренд.
По неколкумесечен раст, германските деловни перспективи се влошуваат
Германската деловна доверба неочекувано падна, истакнувајќи ја кршливоста на планот на канцеларот Фридрих Мерц за враќање на растот во најголемата економија во Европа.
По четири месеци раст, индексот на очекувања од институтот „Ифо“ во септември падна на 89,7 од ревидираните 91,4 во август. Аналитичарите анкетирани од „Блумберг“ предвидоа зголемување на 92. Падна и мерачот на моменталните услови.
.webp){kind=icon}
Во моментов нема коментари за веста. Биди прв да коментира...