Иран го отвори Ормускиот теснец

Иран соопшти дека Ормускиот теснец сега е „целосно отворен“ за трговски сообраќај, што е голем чекор кон завршување на војната со САД и Израел, која предизвика нагло зголемување на цените на енергенсите.

„Во согласност со прекинот на огнот во Либан, преминот за сите трговски бродови низ Ормуски теснец се прогласува за целосно отворен во преостанатиот период од примирјето“, напиша министерот за надворешни работи Абас Арагчи на Икс.

Бродовите можат да се движат по „координираната рута како што веќе беше објавено“ од иранските власти.

Американскиот претседател Доналд Трамп во четвртокот вечерта објави 10-дневен прекин на огнот меѓу Либан и Израел, клучен потег што ги намали тензиите со Иран.

1. САД и Иран преговараат за план од 3 страници за завршување на војната

2. Еден елемент што се дискутира е дека САД ќе ослободат 20 милијарди долари замрзнати ирански средства во замена за тоа Иран да се откаже од своите залихи збогатен ураниум

3. Дел од високо збогатениот ураниум на Иран ќе биде испратен во трета земја, а дел ќе биде натамошно мешан во Иран под меѓународен мониторинг

4. На Иран ќе му биде дозволено да има нуклеарни истражувачки реактори за производство на медицински изотопи, но ќе вети дека сите негови нуклеарни капацитети ќе бидат над земја

Втор круг разговори меѓу САД и Иран се очекува во Пакистан во недела.