Минатата недела во Лас Вегас, суперавтомобилот „гордон мари С1 ЛМ“ (Gordon Murray Special Vehicles) доби нов сопственик за 20,6 милиони долари. Оваа продажба постави рекорд како највисока цена платена за целосно нов автомобил на нехуманитарна аукција на аукциската куќа „Сотби“ (RM Sotheby’s), потврдувајќи го статусот на С1 ЛМ како еден од најсветлите симболи на автомобилскиот свет.
RM Sotheby’s
Сепак, астрономската вредност на С1 ЛМ повеќе произлегува од неговиот творец отколку од перформансите. Гордон Мари, инженерскиот гениј што ги дизајнираше тркачките болиди „мекларен Ф1“ во кои Аиртон Сена доминираше во 1980-тите, како и колекционерскиот „мекларен Ф1“ од 1990-тите, е пионер на автомобилската елита чиј потпис гарантира огромна побарувачка и цени што оставаат без здив.
Мари им припаѓа на групата легенди како Енцо Ферари, Марчело Гандини, Кристијан Кенигсег и Хорацио Пагани – мајстори чии визии го дефинираат не само автомобилот туку и неговата приказна и вредност.
Прочитај повеќе
Што навистина знаеме за зрачењето во електричните автомобили?
Обемната студија со над 975.000 индивидуални мерења покажа дека не постои здравствен ризик поврзан со електричните автомобили или електричните мотоцикли.
04.12.2025
Тестиравме „ламборгини темерарио“: Ретко кој автомобил дава такво чувство на моќ
Новиот „ламборгини темерарио“ доаѓа со низа карактеристики, вклучувајќи погон на сите тркала, осумстепен менувач со двојна спојка и 13 режими на возење.
31.07.2025
Масажа и ароматерапија за возачите - велнес индустријата влезе во луксузните возила
Можноста за персонализирање на овие програми во луксузни возила одговара на зголемената желба на потрошувачите за индивидуализација.
12.04.2025
„Порше“ и „Мерцедес“ научија скапа лекција - луксузните електрични возила не се продаваат
Слабата побарувачка за луксузни електрични возила ги принудува „Порше“ и „Мерцедес“ да го одложат производството на нови модели и да се вратат повторно на хибриди и бензинци.
25.09.2025
RM Sotheby’s
Еден од највредните елементи на аукцијата е можноста за директна интеракција со самиот Мари. Овој 79-годишен визионер му овозможува на купувачот да учествува во финализирањето и во креирањето на автомобилот по свој вкус – искуство што не може да го замени ниту една патека на Нирбургринг.
С1 ЛМ е купе со скулптурални линии, со потесен централен дел за визуелна елеганција и пошироки крила за поголеми тркала, со горен (грбен) довод на воздух и заден спојлер голем како маса за пикник.
RM Sotheby’s
Механички, автомобилот е импресивен: има погон од 4,3-литарски мотор „косворт“ (Cosworth) В12 со 710 коњски сили и шестстепен мануелен менувач, што го прави вистински сон за колекционерите. Каросеријата од карбон и издувниот систем обложен со 18-каратно злато придонесуваат за вкупна тежина од само 950 килограми. Шелби Маерс, глобален директор за приватна продажба во „Сотби“ (RM Sotheby’s), го опиша како „најлесниот, најинтензивниот и највозвишениот автомобил замислен за патиштата“.
Додека автомобилите на Мекларен што ги дизајнираше Мари достигнуваат повеќе од 20 милиони долари, другите модели на брендот ретко ја надминуваат границата од 3 милиони, без оглед на перформансите.
RM Sotheby’s
Приказната за создавањето на легендата
Сè започна кога Мари доби необична задача од својот шампионски тим: „Дизајнирај за нас автомобил за патишта.“
Мекларен му го довери проектот на Мари во 1991 година, а резултатот беше Ф1-автомобил што и денес се смета за врв на современата автомобилска индустрија. Ф1 имаше револуционерна карбонска едноделна носечка конструкција, три седишта и врати што се отвораат нагоре, додека моторот БМВ В12 развиваше 627 коњски сили и овозможуваше рекордна брзина од 390 км/ч. Иронично, Мари не сакал да урива рекорди – неговата амбиција била да создаде најдобар патен автомобил на сите времиња.
Три години подоцна, моделот Ф1 ГТР дебитираше на трката „24 часа Ле Ман“ во 1995 година и забележа победа, доминирајќи против прототипи и други ГТ-автомобили. Во чест на успехот, Мари дизајнира ограничена серија Ф1 ЛМ од пет автомобили – ода за петте победнички болиди од Ле Ман.
Во 2007 година Мари ја основа својата дизајнерска компанија со седиште во Велика Британија, која во 2017 година прерасна во „Гордон Мари аутомотив“ (Gordon Murray Automotive). Компанијата ги лансира суперавтомобилите Т.50 и Т.33, претставувајќи ги седумте дизајнерски принципи: совршенство во возењето, лесно возило, инженерска виртуозност, премиум бренд, враќање на естетиката, ексклузивност и врвно искуство на клиентите.
RM Sotheby’s
Погледнете ја галеријата
RM Sotheby’s
Погледнете ја галеријата
RM Sotheby’s
Погледнете ја галеријата
RM Sotheby’s
Погледнете ја галеријата
RM Sotheby’s
Погледнете ја галеријата
Подоцна Мари ја создава „Гордон Мари СВ“ (Gordon Murray SV) – линија специјални возила што ја подигнува ексклузивноста на ново ниво: секој автомобил е рачно изработен и наменет за најпребирливите (и најбогатите) колекционери. На настанот „Квејл“ (The Quail) во 2025 година беше претставена првата нарачка – С1 ЛМ, суперавтомобил создаден да го надмине Т.50 и да го продолжи наследството на Ф1 ЛМ.
С1 ЛМ е модернизирана еволуција на „мекларен Ф1 ЛМ“. Секој негов детаљ – од аеродинамиката до контролите во кокпитот – ја одразува опсесијата на Мари со совршенството и леснотијата. Моделот ги следи сите седум дизајнерски принципи, со посебен акцент на искуството на идниот сопственик, кој има единствена можност да создава директно со Мари и тимот. Тој учествува во завршните тестирања и во обликувањето на перформансите и изгледот, а добива и монографија од 500 страници со фотографии, спецификации и оригинални скици и белешки од дизајнерот.
.webp){kind=icon}
