.webp){kind=icon}
Кога мојот дечко неочекувано ми раскина, сè што сакав да направам е да купам билет за концерт на Тејлор Свифт. Или кученце златен ретривер.
Да појаснам, ова беше викендот кога Тејлор дојде да пее на стадионот Метлајф во Њу Џерси. Како доживотен фан и жителка на Њујорк, идејата да купам билет ми падна на ум долго пред скршеното срце.
Одеднаш, ја имав совршената можност: да си го оттргнам умот од проблемите со тричасовно концертно искуство кое се случува еднаш во животот.
Проблемот? Пари. Колку и да сакам лежерно да фрлам повеќе од 1.000 долари на импулсно купување, тоа едноставно не е во мојот буџет или во согласност со моите финансиски цели.
Но, беше тешко да се одолее. Тоа е чест проблем: кога емоциите се високи, многу луѓе имаат желба да купат работи при брз наплив на ендорфин.
Ова демумно е и причината зошто апликациите и кредитните картички „купи сега, плати подоцна“ може да бидат многу опасни. Со неколку кликнувања, можете да потрошите илјадници долари од каприц.
Па, како да се одолее на нагонот за импулсивно купување?
Depositphotos
Рајан Филипс, основач на „Гајдпоинт“ (GuidePoint Financial Planning) во Вирџинија, препорачува 24-часовен период на размислување за сè она што е во вашата онлајн купувачка количка. Потоа, веројатно ќе имате подобра претстава за тоа дали навистина го сакате предметот.
Можете исто така да одделувате настрана одреден износ од секоја плата како „пари за забава“ и потоа да ги потрошите без чувство на вина, вели Карен Огден, партнерка во „Енвест“ (Envest Asset Management). Ако таа сума ви е мала во некој случај, наместо тоа, одлучете се за бесплатни активности за да го зголемите вашето расположение, како одење на пикник или планинарење.
Размислувајте за она што навистина го цените најмногу, препорачува Британи Волф, основач на „Волф фајненшл“ (Wolff Financial) во Јужна Каролина. Дали повеќе преферирате концерт отколку нова облека? Ако е така, прилагодете го вашиот буџет соодветно.
И овој совет од Хит Билер, финансиски советник во „Фидушари“ (Fiduciary Financial Advisors) во Мичиген навистина ми остави впечаток: „Ги охрабрувам луѓето да размислуваат за времето што ќе треба да го поминат на работа за да платат нешто, наместо да размислуваат за износот сам по себе. Ако некој сака да оди на патување за 1.000 долари, а добива плата од 20 долари на час, треба да се запраша дали патувањето вреди за да помине 50 часа на својата работа за да плати за тоа - дури и повеќе кога ќе ги земете предвид и даноците“.
Значи, можеби билет за концертот на Тејлор Свифт не вреди. Но, кученце златен ретривер? За тоа сè уште размислувам.
Клер Балентин
