Марк Закерберг ја продаде куќата во Сан Франциско за 31 милион долари

Kоосновачот на Facebook, Марк Закерберг ја продаде својата куќа во Сан Франциско за 31 милион долари, што е најскапата продажба во градот годинава.

Извршниот дирекрот на платформата Мета за истата куќа во ноември 2012 плати 10 милиони долари. Сместена на Либерти Хил, во близина на паркот Долорес, на површина од 650 метри квадратни, куќата е блиску до болницата во Сан Франциско која го носи името на Закерберг. Изградена е во 1928 година.

Закерберг ја купи куќата неколку месеци по излегувањето на Facebook на берзата. Во 2013 тој и неговата сопруга, Писила Чен, почнаа со реновирање кое чиниеше повеќе милиони долари и додадоа перална, соба за вино, оранжерија, бар и други подобрувања.

Милијардерот поседува уште неколку недвижнини во Силиконската долина, во Лејк Тахо и Хаваи.