.webp){kind=icon}
Луксузните часовници од „Картие“ (Cartier) се единствената голема марка што доби на вредност во текот на изминатата година на секундарниот пазар, бидејќи потенките елегантни модели станаа попопуларни меѓу колекционерите, според индексот за часовници Subdial на „Блумберг“.
Цените на часовниците „картие“ се зголемија за 2,4 отсто во период од 12 месеци на секундарниот пазар, според податоците собрани од „Сабдајл“, платформа за тргување со луксузни часовници со седиште во Велика Британија, посочува „Блумберг“.
Часовниците од француската златарница, која е во сопственост на швајцарски „Ришемон“ (Richemont), го надминаа падот од 10,2 отсто во индексот на „Блумберг“ во истиот период. Индексот ги следи цените на 50-те најтргувани часовници по вредност на пазарот на користени часовници. Паднаа и индексите за швајцарските брендови, вклучувајќи ги „Ролекс“ (Rolex), „Патек Филип“ (Patek Philippe) и „Омега“ (Omega).
Сабдајл на „Блумберг“
Bloomberg Mercury
Побарувачката за половни часовници од „Картие“, најпознат по правоаголниот модел „тенк“ (Tank) и квадратниот „сантос“ (Santos), порасна, додека ентузијазмот за хит моделите како „ролекс дејтона“ (Rolex Daytona) или „патек филип наутилус“ (Patek Philippe Nautilus) опаѓа. Просечните цени за часовниците на „Картие“ се исто така пониски од оние на „Ролекс“ и на „Патек“, со многу половни модели со цени што почнуваат од 5.000 долари.
Додека цените на „Картие“ пораснаа, индексот за моделите на „Ролекс“ падна за околу шест проценти, индексот за „Патек Филип“ беше речиси 10 проценти послаб, а за часовниците „тудор“ (Tudor), поевтин роднински бренд на „Ролекс“, падна за седум проценти.
„Омега“, швајцарскиот бренд во сопственост на „Своч груп“ (Swatch Group AG), беше втор бренд со најдобри перформанси со пад на цената од само два отсто на секундарниот пазар, додека цената на хронографите „спидмастер“ (Speedmaster) или порасна или остана непроменета.
Индексот за часовници на „Блумберг“ падна за 1,2 отсто во април, враќајќи се на надолен тренд по неколкумесечна стабилност во почетокот на годината.
Цените за 50-те најтргувани часовници по вредност се на најниско ниво во последните три години, по неверојатниот пораст за време на пандемијата, кој го достигна врвот во април 2022 година.
Цените на часовниците „ролекс“ и „патек“ се најниски во последните три години
Bloomberg Mercury
Во услови на неможност за патување, излегување и пониски каматни стапки, инвеститорите купуваа „ролекс“, „патек“ и други луксузни модели во текот на 2021 и 2022 година, обложувајќи се дека цените ќе продолжат да растат. Но вредностите за најбараните модели драстично паднаа бидејќи каматните стапки пораснаа, а вредноста на многу криптовалути падна.
