„Лореал“ (L'Oreal SA) размислува за потенцијална инвестиција во оманската компанија за луксузни парфеми „Амуаж“ (Amouage), тврдат извори блиски до компанијата.
Француската козметичка групација е во преговори за купување помал удел во „Амуаж“, тврдат тие, барајќи да не бидат именувани поради доверливи информации. Се тврди дека сопственикот на „Амуаж“, конгломератот САБКО (SABCO Group), размислува за процена од 3 милијарди евра.
„Амуаж“ е основан во 1983 година со презентација што се базира на наследството на султанатот Оман како културен крстопат во центарот на древните трговски патишта за темјан и миро. Некои од нивните парфеми чинат 365 евра за 100 милилитри, како што е наведено на веб-страницата на брендот. Компанијата ги рекламира своите производи како кралски подарок во неколку свои продавници и на илјада други локации, кои вклучуваат стоковни куќи, парфимерии и аеродроми.
Прочитај повеќе
Технологијата ја трансформира и индустријата за убавина
Извршниот директор на „Лореал“ предвидува дека пазарот за убавина ќе вреди близу 400 милијарди евра до 2030 година.
19.02.2024
Наследничката на „Лореал“ стана првата жена со богатство од 100 милијарди долари
Франсоа Бетенкур Мејерс стана првата жена со богатство од 100 милијарди долари, благодарение на рекордниот раст на акциите на „Лореал“.
29.12.2023
Сагата за најбогатата жена на светот: дали сè има цена
Филмот ги истакнува финансиските аспекти и политичкото влијание со убедливи сведоштва и документи.
08.12.2023
Продажбата на „Амуаж“ се удвои во период од три години и достигна 210 милиони долари во 2023 година. Компанијата е контролирана од САБКО, локален бизнис предводен од претседателот на групацијата Саид Калид бин Хамед ал Бусаиди, кој исто така има деловни активности во областа на недвижен имот, медиуми, дистрибуција на автомобили и електрична опрема.
„Лореал“ оствари серија договори за преземање и лиценцирање за да изгради стабилна империја на брендови за козметика и парфеми. Минатата година компанијата го купи австралискиот бренд за козметика „Ејсоп“ (Aesop) за 2,5 милијарди долари.
Нема сигурност дека преговорите ќе доведат до реализација на трансакцијата, а деталите за потенцијалниот договор може да се променат, велат изворите. „Амуаж“ може да привлече интерес и од други инвеститори. Претставник на „Лореал“ одби да коментира. Претставник на САБКО (SABCO) не бил достапен за коментар, а од „Амуаж“ не одговарале на повиците.
Акциите на „Лореал“ достигнаа нови рекорди во февруари, бидејќи инвеститорите веруваа дека неговата разновидна палета на производи и географскиот дострел ќе ѝ помогнат на компанијата да се избори со забавувањето на економијата. Оттогаш акциите паднаа, а „Лореал“ објави разочарувачки резултати од продажбата во четвртиот квартал поради намалената продажба од недостигот на кинески туристи.
.webp){kind=icon}
