Франсоа Бетенкур Мејерс стана првата жена со богатство од 100 милијарди долари, поставувајќи уште еден рекорд за растечката француска модна и козметичка индустрија.
Нејзиното богатство се зголеми на 100,1 милијарди долари во четвртокот, според индексот на милијардери на „Блумберг“. Успехот доаѓа бидејќи акциите на „Лореал“ (L'Oréal), козметичката империја основана од нејзиниот дедо, достигнаа рекордно високо ниво и се на пат за најдобра година од 1998 година. Таа е 12-та најбогата личност во светот, веднаш зад Мексиканецот Карлос Слим.
И покрај овој раст, богатството на Бетенкур Мејерс е сепак значително помало од богатството на нејзиниот сонародник Бернард Арно, основачот на луксузната стоковна куќа ЛВМХ (LVMH - Moet Hennessy Louis Vuitton), кој е втор на глобалното рангирање, со 179 милијарди долари.
Растечката доминација на Франција во луксузната малопродажба издигна неколку други ултрабогати семејства, вклучувајќи ги кланот зад „Хермес“ (Hermes International), кој го собра најголемото семејно богатство во Европа, и браќата Вертхајмер, сопственици на „Шанел“ (Chanel).
Повлечената Бетенкур Мејерс (70) е потпретседателка на „Лореал“, глобална компанија вредна 241 милијарда евра во која таа и нејзиното семејство имаат мнозински удел од речиси 35 проценти. Нејзините синови Жан-Виктор Мејерс и Николас Мејерс се исто така директори.
Компанијата за производство и продажба на бои за коса е основана од нејзиниот дедо Јуџин Шулер, во 1909 година, и со децении ја воделе извршни директори што не биле членови на семејството.
Bloomberg
Бетенкур Мејерс го чува својот приватен живот подалеку од очите на јавноста, избегнувајќи раскошен социјален живот, кој е привлечен за многу од светските богаташи. Таа има напишано две книги - студија на Библијата во пет тома и генеалогија на грчките богови - и е позната по тоа што секој ден со часови свири на клавир.
Како единствено дете, Бетенкур Мејерс го наследи своето богатство по смртта на нејзината мајка Лилијан Бетенкур во 2017 година, со која понекогаш имаше напнати односи. Правната битка што се разви од семејниот спор се претвори во политички скандал, фокусиран на прашањето дали нејзината постара мајка е способна да управува со семејното богатство. Минатиот месец, „Нетфликс“ објави документарен филм од три дела, „L'Affaire Bettencourt“, кој ја прикажува сагата во која се јавува поранешен француски претседател и тајни снимки што ги снимил батлерот.
„Лореал“ рапидно растеше во деценијата пред пандемијата, но беше погоден за време на здравствената криза, кога луѓето во карантин користеа помалку шминка. Следуваше брзо закрепнување, бидејќи потрошувачите се преплавија со луксузни артикли, што годинава доведе до зголемување на акциите за 35 проценти.
Дел од производите на „Лореал“
Bloomberg
Акциите на компанијата би можеле да се зголемат за дополнителни 12 проценти следната година, бидејќи покажуваат отпорност благодарение на разновидноста на производите и географската ширина, според аналитичарот на „Конзјумер еџ“ (Consumer Edge Research), Брет Купер.
Бетенкур Мејерс исто така претседава со семејната холдинг-компанија „Тетис“ (Téthys), која има удел во „Лореал“. Нејзиниот сопруг Жан-Пјер Мејерс е главен извршен директор. Во 2016 година двајцата ја основаа подружницата „Тетис инвест“ (Téthys Invest), која инвестира во области што не ѝ конкурираат на компанијата.
Со намера „директно да инвестира во претприемачки проекти на долг рок“, извршен директор на „Тетис инвест“ е Александар Бенаис, поранешен инвестициски банкар.
„Тетис инвест“ неодамна се стекна со удел во францускиот осигурителен брокер „Април груп“ (April Group). Минатата година инвестираа во модниот бренд „Сезан“ (Sezane), а инвестираа и во францускиот приватен болнички оператор „Елсан“ (Elsan). Компанијата е делумно финансирана од дивиденди од „Лореал“.
.webp){kind=icon}
Во моментов нема коментари за веста. Биди прв да коментира...