„Џорџо Армани“ (Giorgio Armani SpA) го именува поранешниот извршен директор на „Гучи“, Марко Бизари, како и други ветерани од индустријата во својот одбор, додавајќи искусна експертиза додека модната група под водство на семејството ја разгледува својата иднина по смртта на основачот.
На Бизари ќе му се придружат поранешниот извршен директор на „Армани“, Џон Хукс, и инвеститорот Анџело Морати, додека некои членови на семејството се заменети во новиот одбор. Компанијата исто така потврди дека „Фондацијата Џорџо Армани“ ќе задржи најмалку 30 отсто удел во компанијата.
„Одборот на директори е сега официјално воспоставен, во согласност со желбите на основачот,“ се наведува во соопштението на компанијата, потврдувајќи го извештајот на „Блумберг“.
Прочитај повеќе
Џорџо Армани беше последниот голем господин на модата
Џорџо Армани, титан на светската мода и олицетворение на елеганцијата, остави зад себе не само империја вредна милијарди, туку и наследство на последeн вистински господин на модата кој засекогаш го промени начинот на кој се облекуваме на работа.
08.09.2025
Како Армани го скрои визуелниот идентитет на современиот спорт
Ретко некој толку длабоко ги поврзал модата и спортот, не само како спонзор туку и како архитект на визуелниот идентитет на натпреварите, клубовите и спортистите, како Џорџо Армани, италијанскиот моден гуру што нè напушти во четвртокот.
09.09.2025
Модната сцена се простува од Армани, последните ревии на маестрото во Милано
Последната колекција на Џорџо Армани ја обележи Миланската модна недела, пред публика во која беа Ричард Гир, Кејт Бланшет и Спајк Ли, наследниците ќе одлучуваат за иднината на неговата империја.
03.10.2025
Додадената експертиза од индустријата може да му помогне на „Армани“ додека ја разгледува можноста за здружување со поголема луксузна група по смртта на Џорџо Армани во септември. Хукс, кој го напушти „Армани“ пред повеќе од една деценија, исто така е поранешен извршен директор на „Ралф Лорен“.
Како извршен директор на „Гучи“, Бизари работеше во пар со тогашниот дизајнер Алесандро Микеле. Под нивно водство, „Гучи“ доживеа период на исклучителен раст. Брендот, тогаш познат по боемскиот шик естетски израз, достигна повеќе од 10 милијарди евра годишна продажба во 2022 година. Сепак, растот се забави, а потоа продажбата во последните години драстично падна, па „Гучи“ издаваше предупредувања за пад на профитот. Микеле си замина пред три години, а Бизари во септември 2023 година, но и под водство на новите менаџери и дизајнери, засега пресвртот изостанува.
Getty Images
Новиот одбор задржува неколку постоечки членови: претседателот на „Армани“, Лео Дел’Орка, извршниот директор Џузепе Марсочи и Силвана Армани, која го води женскиот дизајн; основачот на „Јукс“ (Yoox), Федерико Маркети и внукот на Армани, Андреа Камерану. Сестрата на Армани, Росана Армани, и внуката Роберта Армани повеќе не се членови на одборот, според соопштението.
Посматрачите на индустријата за луксуз со нетрпение ја очекуваат одлуката кој ќе го купи иницијалниот удел од 15 oтсти во „Армани“, како што е наведено во тестаментот на основачот, објавен во септември по смртта на Џорџо Армани на 91-годишна возраст.
„Лореал“, кој има лиценца со Армани за пласман на парфеми, шминка и производи за нега на кожа до 2050 година, е наведен како еден од трите преферирани купувачи во документот, заедно со производителот на очила „Есилор Луксотика“ и луксузната група ЛВМХ.
Наследниците на Армани настојуваат да задржат континуитет додека го преземаат водството на компанијата по смртта на модниот дизајнер. Марсочи, кој е во компанијата веќе 23 години, беше именуван за извршен директор минатиот месец.
.webp){kind=icon}
